Luohkáoahpaheaddji Minna Karjalainen geavaha iežas astoáigge lihkadeamen duoddariin
Kuva / Govva: Merja Paakkanen
– Lean pedagogihka magisttar ja luohkáoahpaheaddji. Lean studeren maiddái bargo- ja organisašuvdnapsykologiija ja gárvvásmuvvan bargobagadallin. Lean eret Kuhmos ja mus leat golbma ráves máná.
– Ledjen juo guhká niegadan davás fárremis, daningo lokten iežan luomuin Nuorta-Finnmárkkus ja Sámis. Dovden maid, ahte váillahin jámma hohpolaš árgga sadjái áiggi ođđa áššiid vásiheapmái ja bargamii. Háliidin duođalaš nuppástusa iežan bargo- ja eallinbirrasii, nu ahte ohcen vuos jahkái bargui Ohcejohkii. Dál bargu joatkašuvvá fásta virggis.
– Ovttastuvvon luohkáid oahpahus gáibida buori ovddalgihtii plánema ja máŋggaid áššiid oktanaga hálddašeami. Dego álo, njuolggo oktavuohta oahppiiguin, lea mu barggu buoremus bealli. Unna skuvllas sierra oahpaheaddjijoavkkut besset oaidnit lahka nuppiideaset barggu, mii mu mielas lasiha áddejumi ja árvvu guhtege olbmo čehppodaga vuostá.
Kuva / Govva: Minna Karjalainen
– Lean loaktán Ohcejogas, dasgo liikon ráfálaš eallinvuogis. Mu barggu vuostebeallin loavttán astoáiggis iehžanassii. Ruovttus liikon lohkat, gođđit ja láibut kanelnisoláibbiid. Fiinna Máttajávrri gáttis, ruovttustan beasan álkidit vuolgit lihkadit. Návddašan luonddus vánddardit ja čuoigat. Lea fiinna dovdu návddašit iežas dilis duoddara alde go lea rumašlaččat rahčan. Jaskatvuohta ja duovdaga čábbodat dahket váikkuhusa.
– Illun lean fuobmán, ahte dáppe sáhttá oassálastit máŋggalágan dáhpáhusaide ja oahpásnuvvat seammás báikkálaš kultuvrii. Áinnas finan girjerádjosis iešdoaibmaáigge válljemin ođđa lohkamuša ja lohkamin báikkálaš bláđiid. Mu leat Ohcejogas bures vuostáváldán. Mu kollegat ja oahppásat leat bovden mu guossái, oahpásnuvvat boazodollui, bilket ja čuoigat duoddaris. Dákkár buorremenolašvuohta ligge váimmu.
– Go muitalin ahte boađán deike luohkáoahpaheaddjin, de váruhedje mu skábmaáiggis. Buoremus dáppe goit leamašan justa skábmaáigge almmi čuvgesivnnit duoddara jaskatvuođas.
Kuva / Govva: Minna Karjalainen