Oahpahusministtar atná sámegielaid oahpaheami dehálažžan - Sámegielaid gáiddusoahpahusa fásta ruhtadeami čielggadišgohtet

Ohcejoga gieldda ja Sámedikki ovddasteaddjit gallededje skábmamánu maŋimuš vahkus oahpahusministtar Anders Adlercreutz ja oahpahusministeriija virgeolbmuid. Galledeamis ságastalle sámegielaid gáiddusoahpahusa fásta ruhtadeami birra. Oahpahus lea ordnejuvvon dál juo čihččet lohkanjagi projeaktaruhtadeami vehkiin. Dál sámegielaid gáiddusoahpahusas leat 210 iešguđet ahkásaš máná ja nuora miehtá Suoma.

– Ministeriijas min sávaldaga ektui ledje miehtemielalaččat ja sámegielaid gáiddusoahpahusa atnet doppe hui dehálaš áššin, illudeaba gielddahoavda Päivi Kontio ja čuvgehusdoaimmas vástideaddji buresveadjinhoavda Pirjo Seurujärvi Ohcejoga gielddas. – Orruhan badjel 70 % sámemánáin sámiid ruovttuguovllu olggobealde. Ministtar Adlercreutz mielde gielaid oahpahusas lea gažaldat sámemánáid ja -nuoraid vuoigatvuođain.

– Lohpádusaid bissovaš ruhtadeamis eat vel ožžon. Oaččuimet goit álgomuttu lohpádusa, ahte gáiddusoahpahusa fásta ruhtadeami válmmaštallagohtet ovttas davviguovllu doaibmiiguin. Dál ruhtadeapmi lea dieđus lohkanjagi 2025-2026 loahpa rádjai. Dál lea válmmaštallama vuolde lohkanjagi 2026-2027 ruhtadeapmi, muhto bissovaš čoavddus ruhtadanmállen ain ohccojuvvo. Mii leat luohttevaččat joatkaga ektui, dadjaba Kontio ja Seurujärvi.

Lassedieđut:

Gielddahoavda Päivi Kontio
040 744 7630
paivi.kontio@utsjoki.fi

Buresveadjinhoavda Pirjo Seurujärvi
040 139 5420
pirjo.seurujarvi@utsjoki.fi