Oahppoloatnabuhtadusiskkadallama ohcanrávvagat leat almmustahtton – ovddu sáhttá ohcat Davvi-Lappii fárren olmmoš, guhte lea aiddo geargan oahpuiguin

1.9.2026

Oahppoloatnabuhtadus fállojuvvo daidda, geat leat aiddo geargan oahpuiguin ja geat fárrejit gildii Anáris, Soađegilis ja Ohcejogas. Oahpásmuva dárkilut ohcanrávvagiidda vulobealde!

Oahppoloatnabuhtadusiskkadallamis, mii ollašuhtto Suomas vuosttas geardde, buhtadusa sáhttet oažžut dat, geat leat aiddo geargan oahpuiguin ja geat fárrejit masa nu Davvi-Lappi gielddain (Anár, Soađegilli, Ohcejohka) ja ožžot barggu válmmaštuvvama maŋŋá. Golmmajahkásaš iskkadallama mihttomearrin lea hohkahallat nuorra rávesolbmuid álggahit bargokarriera Davvi-Lappi guovllus. Oahppoloatnabuhtadusiskkadallama lea válmmaštallan Davvi-Lappi guovloovttasbarggu gieldaovttastupmi ovttas gielddaiguin.

Oahppoloatnabuhtadusa sáhttá ohcat daid gielddaid siidduid bokte, mat leat iskkadallamis mielde. Gielddat leat almmustahttán buhtadusiskkadallama eavttuid ja ohcanskovi, mat gávdnojit maiddái dán teavstta loahpas.

Gii sáhttá oažžut oahppoloatnabuhtadusa?

Buhtadusa sáhttá mieđihit olbmui, gii lea aiddo geargan oahpuiguin dahje gii lea geargan oahpuiguin eanemustá guokte jagi ovdal vuosttas oahppoloatnabuhtadusa ohcanáigodaga, ja geas lea oahppoloatna jogo nuppi dási ámmátlaš dutkosis, ámmátallaskuvla- dahje universitehtadutkosis. Olmmoš, gii lea aiddo geargan oahpuiguin, galgá fárret Soađegillái, Anárii dahje Ohcejohkii, dahje son lea sáhttán ássat mas nu dáin gielddain eanemustá guokte jagi. Maiddái barggu čađahanbáiki dahje gáiddusbargočuokkis galgá leat mas nu dáin gielddain, mat leat mielde iskkadallamis.

Buhtadusa sáhttá oažžut maid rádjagalledeaddjin, jos ohcci johtá barggus Norgga bealde. Dalle eavttuide heivvolaš ássangieldan gehččojuvvojit Norgga ránnjágielddat Anár ja Ohcejohka.

Ráva oanehaččat: Iskkadallamii sáhttá beassat olmmoš, gii lea aiddo geargan oahpuiguin ja geas lea oahppoloatna, ja gii lea Soađegili, Anára dahje Ohcejoga gieldda ássi. Ohccis galgá leat bargogaskavuohta dahje son galgá doaibmat fitnodatdoallin. Buhtadussii vuoigadahttá 12 mánotbaji barganáigodat uhcimustá 50 % bargoáiggiin dahje fitnodatdoallin.

Ohcamušat gieđahallojit vuosttas geardde ođđajagimánus 2027. Buhtadus máksojuvvo eanemustá golbma jagi, 12 mánotbaji áigodagain. Máksu mieđihuvvo máhccevaččat ja guhtege 12 mánotbaji buhtadusa berre ohcat sierra. Oahppoloatnabuhtadus sáhttá leat eanemustá 5 800 euro.