Ohcejoga gielda ávvuda 150 jagi mátkkis ovttas gieldalaččaiguin
3.11.2026
Ohcejoga gieldda 150 jagi ávvujagi váldodáhpáhus lea bovdejuvvon gussiid ja gielddaolbmuid oktasaš ávvudoalut lávvardaga 14.11. 2026.
– Ávvudoalut leat buohkaide rabas, muitala gielddahoavda Päivi Kontio. – Mii leat smávva gieldan oktilaš searvvuš, nuba mii dieđusge ávvudatge ovttas.
Ávvudoalut álget dmu 15 árbevirolaš borramušain. Árbevirolaš herskuid málestat sullii golmmačuođi olbmui.
– Borramušas berrojuvvo smávvu máksu goluid gokčama dihte: 10 euro rávesolbmuin ja 5 euro mánáin, oahppiin ja ealáhatolbmuin. Gáhkkokáfe guossohat buohkaide!
Ávvudoaluid prográmmas leat sáhkavuorut ja báikkálaš musihkkáriid loaiddasteamit. Gielddahoavda Päivi Kontio rahpá dilálašvuođa, Sámedikki dearvvahusa buktá ságadoalli Pirita Näkkäläjärvi ja Turku universitehta rektor Marjo Kaartinen muitala gieldda ja universitehta ovttasbarggu birra.
Nilla Pieski čohkke ávvudoaluide historjáovdanbuktojupmin govvačájáhusa Ohcejogas temáin “Mu Ohcejohka”.
Ávvudoaluid alimus boddu lea báikkálaš sámedáiddáriid musihkkačájáhusat. Jalvvi Niillas loaiddasta ovttas Pekka Aikioin ja Hildá Länsman Tuomas Norvioin.
– Mii sávvat gielddaolbmuid ja eará gussiid liggosit buresboahtin ávvudit Ohcejoga gieldda ja dan historjjá, cealká Päivi Kontio.
Dáhpáhusa mánáide
Árabut beaivit (dmu 12-15) báikkálaš searvvit lágidit mánáide iežas dáhpáhusa asttuáiggeguovddážis. VPK ja MLL vástidit das, ahte mánáide lea fállun girjás prográmma, ee. njuikunbáikkit ja čáskadanbiilla ovdanbuktin. Mánát besset maid dahkat ieža raddemearkkaid.
Vuojiheapmi ahkeolbmuide Gáregasnjárggas ja Njuorggámis
Vai iešguđet ahkásaččat besset ávvudit, de ordne gieldda boarrásiid- ja lápmásiidráđđi sáhtuid ahkeolbmuide ávvudoaluide sihke Gáregasnjárggas ja Njuorggámis.
Almmut iežat fárrui 10.11. rádjai:
– Gáregasnjárgga vuojiheapmi, 040 186 5567 / Kirsi Höykinpuro
– Njuorggáma vuojiheapmi, 040 186 7152 / Suvi Spoof
Almmut dárkkes čujuhusa, jos boađát fárrui gos nu geaidnoguoras.
Gáregasnjárgga áigetávval
dmu 13.30 vuolgga Gáregasnjárggas gávppi šiljus
Váldit sáhtudárbbašeaddjiid johkaleagis fárrui
dmu 15.30 Ohcejohka, boradeapmi ja ávvudoaluid prográmma skuvllas
dmu 20.00 vuolgga Ohcejogas Gáregasnjárgii
dmu 22.00 Gáregasnjárga
Njuorggáma áigetávval
dmu 14.15 vuolgga Njuorggámis rájá alde
Váldit sáhtudárbbašeaddjiid johkaleagis fárrui
dmu 15.15 Ohcejohka, boradeapmi ja ávvudoaluid prográmma skuvllas
dmu 20.00 vuolgga Ohcejogas Njuorggámii
dmu 21.00 Njuorggán
Lassediehtu
Gielddahoavda Päivi Kontio
040 744 7630
paivi.kontio@utsjoki.fi