Ohcejoga gieldda oassálasti bušeteren: Ohcejohkii háliidit searastallanráhpaid
25.5.2026
Ohcejoga gieldda olbmot besse váikkuhit jagi 2027 bušeahta válmmaštallamii. Gieldda olbmuide oaivvilduvvon jearahallamiin ohccojedje evttohusat 6000 euro geavahanulbmiliidda. Válljenráđđi válljii jienasteapmái vihtta eanemus ollašuhttingelbbolaš idea.
Jienasteamis addojuvvojedje 113 jiena. Vuoiti lei dán jagi čielggas, dasgo eanemusat jienaid oaččui searastallanráhpaid huksen Ohcejohkii (39 % jienain).
– Mii giitit gieldda ássiid aktiivvalaš oassálastimis. Searastallanráhpaid oasil galgá čielggadit vejolašvuođa sierra projeaktaruhtadeapmái, daningo 6000 euro ii vel ráhpáid huksemii reahkká. Mii fertet dál čielggadit, leago vejolaš oažžut olggobeale ruhtadeami ja makkár eavttuiguin, dadjá ovddidanhoavda Veli-Matti Ruotsalainen.
Jos lassiruhtadeami ráhpaid investeremii ii sáhte ordnet, de ollašuhttojuvvo nubbin eanemus jienaid ožžon evttohus: Gáregasnjárgga ja Njuorggáma álšasáliid reaidduid ođasmahttin oaččui jienaid 19 %. Eará evttohusat ožžo jienaid dássidabbot: Gáregasnjárgga beanapárka (18 %), nuoraid doaibma (16 %) ja gilážiid lihkadanbáikkiid buorideapmi (16 %).
Gielddahoavda Päivi Kontio mielde Gáregasnjárgga beanapárka sáhttá ollašuhttot materiálaid dáfus dakkaviđe, go gilis gávdno oktasaččat dohkkehuvvon báiki beanapárkii. – Maiddái dát evttohus ovdána lagašáiggiid, dadjá Päivi Kontio.
Diibmá oassálasti bušeterema evttohusain vuoitin bođii giliid giligova buorideapmi buot giliin. Dát bargu ollašuhttojuvvo dán gease.
Lassedieđut
Gielddahoavda Päivi Kontio, 040 744 7630, paivi.kontio@utsjoki.fi
Ovddidanhoavda Veli-Matti Ruotsalainen, 040 350 8654, veli-matti.ruotsalainen@utsjoki.fi