Ohcejoga gielddahoavda Päivi Kontio válljejuvvui Davvikalohta ráđđái

Ohcejoga gielddahoavda Päivi Kontio válljejuvvui dán giđa Davvikalohta ráđđái. Válljema dahke Lappi lihtu gielddahoavdafierpmádagas.

Davvikalohta ráđđi lea davviriikalaš organisašuvdna, mii ovddida ovttasbarggu rastá rájáid Norgga, Suoma ja Ruoŧa gaskka. Davvikalohta ráđđi lea ovttasbarggu alimus mearrádusorgána ja dasa gullet golbma ovddasteaddji juohke lahttoriikkas.

Davvikalohta ráđđi vuođđuduvvui jagis 1967 ja dat doaibmá Davviriikkaid departemeantaráđi vuolde. Ráđđi čoahkkana ovttas golmma geardái jagis. Ráđđi figgá ovddidit oktasaš Davvikalohttapolitihka.

Buot Davvikalohta ráđi doaimmat galget leat dakkárat, main lea ovttasbargu rájáid rastá.

Davvikalohttaovttasbarggus galgá šaddat rájáid rasttildeaddji lasseárvu ja davviriikkalaš ávki. Dat sáhttá čalmmustahttit oktasaš hástalusaid ja váttisvuođaid ja ohcat daidda čovdosiid. Ovttasbargguin olahit ovttas eanet go maid juohkehaš olahivččii okto.

Rádjárávven Ruoŧŧa-Suopma-Norga -bálvalusa ulbmilin lea gieđahallat Norgga, Ruoŧa ja Suoma gaskasaš rádjaeasttagažaldagaid.

– Dat ahte mu válljejedje ráđđái lea gieldda geahččanguovllus mearkkašahtti, go mii leat gielddas dakkár dilis, mas ovttasbargu rájáid rastá lea ain dehálut, dadjá Päivi Kontio. – Rádjaeastagiid burgin lea duođaid dehálaš ja aiddo dáid áššiid maiddái Davvikalohta ráđđi figgá ovddidit. Mii leat gielddas smiehttan rádjagávppi ja rájáid rasttildeaddji bargguid hástalusaid, go rádjagávpi, barggus fitnan ja fitnodatdoaibma leat Ohcejoga guovllus ain dehálabbot. Norgga ránnjágielddat bargobáikkiiguin ja áššehasaiguin leat Ohcejoga lagamus ránnját.

– Davvikalohta ráđi bokte beassat lagabui duohta váikkuhanvejolašvuođaid ja doalvut dearvvuođaid maiddái stáhtaid hálddahusaide, vai áššiid dikšun rastá rájáid livččii njuovžilut ja basttášeimmet geahpedit rádjaeastagiid.

Davvikalohta ráđi guovllu dáfus smávit Tornionlaakson neuvosto doaimmajođiheaddji Tuula Ajanki mielas lea buorre, ahte Davvikalohta ráđđái oažžut Päivi lágan olbmo, guhte ádde ja dovdá rádjaeastagiid geavatlaš váikkuhusaid.

– Ohcejoga gielda lea álgomuttus lohpidan ovttasbargoguoibmin min fidnui, masa https://tornedalen.org/mii leat ohcan ruhtadeami Interreg Auroras, muitala Tuula Ajanki. – Fitnu ulbmilin lea kártet earret eará dan, mo Davviriikalaš vearuhansoahpamuš dál doaibmá Suoma ja Ruoŧa ja Suoma ja Norgga gaskkas, ja mo guovllut evttohit dáid čoavdit. Dan lassin lea áigumuš čielggadit rájáid rasttildeaddji statistihka, man váilun lea dál stuorra váttisvuohta. Mis oktageardánit váilu data omd. volumain dahjege das man olu olbmot johtet rájá badjel ja mii lea ovdamearkka dihtii rádjagávppi árvu.

Lassedieđut

Gielddahoavda Päivi Kontio
040 744 7630
paivi.kontio@utsjoki.fi

Maid máinnašuvvon organisašuvnnat barget – rollat:

Davvikalohta ráđđi – strategalaš guovlluviidosaš ovttasbargu ja váikkuheapmi – doaibmá strategalaš ja politihkalaš dásis olles Davvikalohta guovllus (Lappi, Norrbotten, Romsa, Finnmárku ja Nordland). Dat meroštallá ovttasbarggu váldodeattu ja koordinere rádjaeasttabarggu.

Rádjarávven Ruoŧŧa-Suopma-Norga – geavatlaš rávven ja rádjaeastagiid dovdán – lea geavatlašdási bálvalanorganisašuvdna, mii veahkeha olbmuid ja fitnodagaid rájá rasttildeaddji gažaldagaiguin. Dan doaimma koordinere Davvikalohta ráđđi.

Tornionlaakson neuvosto – gielddaid ovddidan- ja ovdduidgohcinovttasbargu – vuodju erenomážit Duortnosleagi gielddaid gaskasaš ovttasbargui ja guovllu ovddideapmái. Dat doaibmá gielddaid ovttasbargoforuman iige ieš rávvenbálvalussan.