Ohcejoga gielddas lea dálkkádatplána

Ohcejoga jagi 2023 gieldastrategiijas dihkkáduvvui, ahte gieldda dálkkádatplána ráhkaduvvo maŋimustá čuovvovaš váldostivrabaji álggus.

Dálkkádatplánabargu álggii giđđat 2025, go Lappi ámmátallaskuvlla stuđeanta Paula Heikkilä válddii dan iežas oahppočájánasbarggu fáddán. Oahppačájánasbargu gárvánii giđđat 2026 ja dálkkádatplána ulbmilat dohkkehuvvojedje gielddaráđđehusas geassemánus.

Dálkkádatplána kárte Ohcejoga gieldda dálá šaddovistegássaluoittuid, daid ovdánanhistorjjá jagi 1990 rájes ja meroštallá dan, makkár mihttomearit Ohcejoga gielddas leat luoitogeahpedemiid ektui. Dehálamos vuogit geahpedit šaddovistegássaluoittuid leat energiijabeaktilvuođa ovddideapmi ja oljoliggemis luohpan.

Dálkkádatplána ulbmiliid ollašuhttima čuovvu dálkkádatbargojoavku. Dat vástida maiddái ođđa doaibmabijuid hutkamis. Dálkkádatplána beaividuvvo njealji jagi gaskkaid.

Dálkkádatplána lea gaskaoapmi dálkkádatrievdama caggamis. Ohcejoga gieldda vuosttas dálkkádatrievdamii vuogáiduvvanplána gárvána boahtte jagi MountResilience-prošeavtta doaimmas.

Oahpásmuva dálkkádatplánii (fi).

Oahpásmuva dálkkádatplána čoahkkáigessui.