Ohcejoga luossaguovddáža joatkkaplánen lea álggahuvvon
Ohcejoga luossaguovddáža joatkkaplánenprojeakta lea álggahuvvon. Projeavtta ráđđádallan- ja ovddidanbarggu ollašuhttin válljejuvvui gilvvu vuođul Arvil Oy. Arvila evttohan plána mielde Luossaguovddáš ollašuhttojuvvo muttuid mielde: vuos ásahuvvo vuođđudus, mii čohkke ruhtadeami, ja huksen álggahuvvo easkka dalle go várit leat čoggon doarvái.
Projeavtta sisdoalu guoski bargu lea álgán geassemánus ja dan doarju viiddes stivrenjoavku, mii čoahkkanii vuosttaš geardde borgemánus. Stivrenjoavkkus leat ovddasteaddjin Ohcejoga gielda, Sámediggi, sámemusea Siida, Lappi universiteahtta, Sámi oahpahusguovddáš, Giellagas-instituhtta, Geavu dutkanstašuvdna, Deanu guolástansearvi, Meahciráđđehus, Luondduriggodatguovddáš ja Ohcejoga turismafitnodatdoaibmit.
Projeakta joatká jagiid 2023-2024 ollašuhtton ovdačielggadeami barggu. Ovdačielggadeapmi čájehii, ahte Luossaguovddážii lea čielga dárbu ja nana báikkálaš doarjja.
Luossaguovddáža ulbmilin lea nannet Deanu čázádaga, luosa, servoša ja johkasápmelaš kultuvrra buresveadjima ja maiddái nannet Ohcejoga eallinfámu rievdi árktalaš birrasis. Luossaguovddáš čohkke oktii johkasápmelaš kultuvrra, giela, dáidaga ja árbevirolaš dieđu, Deanu luosa guoski dutkamuša, skuvlejumi ja ealáhusaid, dego turismma, ovddideami.
Joatkkaplánemis vuojulduvvat erenoamážit:
- čielggadit, geat leat beroštuvvan projeavttas ja čielggadit sin rolla
- organiseren- ja ruhtadanmálle válljemii
- huksenbarggu guđege muttu álgoplánemii.
- doaimma ja sisdoaluid plánemii
Projeakta ollašuhtto 27.1.2026-30.6.2027, ja dan bušeahtta lea oktiibuot 122 500 euro. Projeakta ruhtaduvvo ollásit Lappi lihtu doarjagiin (AKKE-ruhtadeapmi).
Lassedieđut:
Riikka Keskiaho
Projeaktajođiheaddji
040 544 2058
riikka.keskiaho@utsjoki.fi