Ohcejoga váldostivra čoahkkana duorastaga 27.10. – čuovo čoahkkima njuolggosáttan Youtubes dmu 14 rájes!
25.10.2022
Ohcejoga gieldda váldostivra. Govva: Studio Borga
Ohcejoga váldostivra čoahkkana duorastaga 27.10. Váldostivra mearrida earret eará gieldda jagi 2023 boahto- ja giddodatvearroproseanttain ja iešguđetlágan lassemearreruđaid mieđiheamis.
Dasa lassin váldostivra mearrida Ohcejoga gieldda biebmobálvalusaid lágideamis 1.1.2023 rájes, go Lappi buresveadjinguovlu álggaha doaimmas. Háhkanlága mielde ovdamearkka dihte gieldda guovddášgievkkan ii sáhte buvttadit biebmofuolahusa bálvalusaid sihke gieldda ja buresveadjinguovllu bálvalusovttadagaide, muhto doaimma ferte baicce rievdadit fitnodatsearvin. Gielddaráđđehus lea evttohan váldostivrii, ahte Ohcejoga gielda searvá Soađegili gieldda vuođđudan Pohjois-Lapin Ruoka Oy -fitnodatsearvái.
Sáhtát oahpásmuvvat čoahkkima olles evttohuslistái dákko.
Váldostivrra čoahkkimat leat buohkaide rabas. Čoahkkima leage vejolaš čuovvut njuolggosáttan Ohcejoga gieldda Youtube-kanálas duorastaga 27.10. sullii dmu 14 rájes. Čoahkkinbáddi lea oaidnimis kanálas maiddái njuolggosáddaga maŋŋá. Ohcejoga gielda ávžžuha, ahte olbmot čuvvot čoahkkima gáiddusin. Gielddadálus čoahkkima sáhttá čuovvut streama bokte feaskkirlanja šearpmas.
Čoahkkimis lea simultánatulkon sámegielas suomagillii. Maiddái tulkojuvvon báddi almmustahtto Youtube-kanálas editerema maŋŋá.