Ohcejohka Šearrá - kulturfestivála nuppástuvvá - jonssot áigge Ohcejogas loaiddasta Etta sihke njunuš sámeartisttat

Kulturfestivála Ohcejohka Šearrá lágiduvvo dán jagi viđat geardde ja vuosttas geardde dat lágiduvvo guovttebeaivásaš ja eahketbeaivásaš festiválan. Sámekultuvra ávvudeaddji ja dan máŋggabealagit ovdanbukti Ohcejoga Šearrá lágiduvvo dál vuosttas geardde jonssotvahkkoloahpas: bearjadaga 19.6. ja lávvardaga 20.6.  Festiválas loaiddastit suopmelaš rap-musihka njunuš Etta sihke sámemusihka čeahpimus násttit VEGARD, Ailu Valle ja Amoc, Rávggon, Jalvvi Niillas ja Pauli Lyytinen, Ánnámáret sihke Jezebro. Prográmmas lea maid sámegielat Aleksi Ahlakorpi stand-up-čájáhus sihke filmmat ja árbevirolaš luohti.

Ohcejohka Šearrá -festivála addá Ohcejoga iežas artisttaide vejolašvuođa loaiddastit ruovttuguovllus, muhto buktá maiddái eará guovlluid artisttaid loaiddastit Gieddedmiellái Deatnogáddái. Festiválas loaiddasta suopmelaš rap-musihka njunuš Etta, guhte lea huksen karriera mearrediđolaččat jagi 2017 rájes. Son lea badjánan buolvvas mearkkašahtti jietnan ovttastahttimin pop-musihka stuorra melodiijaid ja rap-musihka miellaguottu. Dat gullo maiddái Million Dollar Smile -bihtás, mainna Etta searvvai UMK:i giđđat 2026. Máŋggabealatvuođainis fiinna Etta lea maid beakkán das, ahte sus lea geasuheaddji live-energiija, mii ii guođe geahččiid galmmasin. Etta eatni beale máttut leat Ohcejogas ja vaikko sápmelašvuohta ii oidno su árgabeaivvis giela dahje vieruid bokte, dat lea sohkii stuorra rápmi.

Kárášjohkalaš VEGARD lea váldán saji máŋggabealat artistan. Davvisámegielat lávlagiid teavsttain son gaskkusta iežas duohtavuođa nuorra-, sápmelaš- ja queer-olmmožin, ja musihka bokte son hástala sihke macho- ja jávohisvuođa kultuvrra. Fámolaččat lávddi alde loaiddastemiin ja heahpanattakeahtes iežas dohkkeheamis VEGARD lea dakkár artista, masa ferte váldit beali. Su teknomusihkas ja klubbakultuvrras váikkuhusaid ožžon pop-bihtát bastet sihke lihkahit guldaleaddji ja boktit roahkkatvuođa ja rámisvuođa das gii leat. VEGARD lohpida nappo dynámalaš ja fámolaš lávdeshow- feastta buohkaide.

Festiválas loaiddasteaba maiddái guhkesáigásaš ráppárat Ailu Valle ja Amoc, geat leaba aiddo ožžon árvvusadnojuvvon Áillohaš-bálkkašumi. Áillohaš-bálkkašupmi lea Nils-Aslak Valkeapää nama guoddi bálkkašupmi, ja dat mieđihuvvo ánssolaš barggus sámi musihka ovdii. Ailu Valle lea beakkán erenoamáš musihkálaš olggosbuktimis, mas hiphop ja davvisámegiella leat guovddážis. Valle lea almmuhan golbma soloalbuma ja leamašan mielde máŋggain eará projeavttain. Amoc lea vuosttas anárašgillii ráppejeaddji artista. Son govvida iežas genre horrorcorerap-musihkkan ja son lea beakkán musihkkamáilmmis dasgo son lea ráhkadan bihtáid mat ožžot inspirašuvnna sámi mytologiijas ja gopmiin.

Rávggon lea vuohččulaš-oululaš folk-rock -joavku. Rávggon lea almmustahttán guokte albuma Ráji ravddas (2016) ja Gapmu (2024). Musihkkajoavku lea lávken lávddi ala miehtá Sámi, Suoma ja olgoriikkaid. Joavku olahii goalmmát saji Máska-bihtáin Sámi grand prix -lávlungilvvus Musihkka lea rievdan bealleakustihkalaš folk-pop -stiillas progressiiva rock guvlui ja das gullo eanet ah eanet luohti. Konsearttain Rávggon čuojaha máŋggabealágit iežas musihka ja soitet gullot maid eará erenoamáš lávlagat!

Jalvvi Niillasa (Niillas Holmberg) ja Pauli Lyytinen Naarattu lávlla doalvu guldaleaddji jaskatvuođa dillái, mas áigi njoahcu ja nuppástuvvá. Duoji guovddážis lea oktavuohta lundui. Holmberg dikten ja luohti ovttastuvvet Lyytis-saksofonii ja elektronihkkii vugiin, mas lea juoga áigahaš: oktanaga boares ja dálá, oahpes ja amas. Lyrihkka, musihkka ja improvisašuvdna dahket ollisvuođa, mii rahpasa measta savkalemiin ja rahpá guldaleaddjái olles máilmmi.

Ánnámáret lea juoigi ja musihkkár, gii ovttas bargojoavkkuinis čatná oktii sámi árbevieru ja modeardna áiggi. Luohti lea Ánnámáreha musihka váimmus ja joavkku konsearttas dat ovttastahttojuvvo Turkka Inkilä elektrovnnalaš musihkain, Ilkka Heinosena juovkagándiliin ja Marja Viitahuhta videodáidagii, guhte geavaha animašuvnna, arkiivagovaid ja Sámis govvejuvvon govva- ja videomateriála. Ánnámáret-bargojoavkku dáidaga guovddážis lea árbevierru ja modeardna, luohti, musihkka ja videodáidda ja daid speadjalastin nuppiide. Joavkku maŋimus álbuma Bálvvosbáiki almmustuvai jagis 2024 ja sii čuojahit konsearttaid aktiivvalaččat sihke Sámis ja olgoriikkain.

Jezebro (Jesse Ruokolainen) lea sápmelaš rap artista, ja su musihka seaguha melodialaš rap ja garra duogážiid. Son laktá bihttáide maiddái juoigama mas šaddá ovttalágan ja dovduičuohcci soundi. Jezebro buktá guldaleaddjái somás ja vuogas dovddu litna jienain ja áigeguovdilis lyrihkaiguin. Jezebro lei maiddái mielde 2023 Sámi Grand Prix lávlungilvvus rap skibir Yungmiquin bihttán ‘Cokka gávtti!’.

Ohcejohka šearrá juohkeahkásaččaid festivála, gos lea K-18 darjudanguovlu. Nuoraid várás báikki alde leat nuoraidbargit sihke nuoraid iežaset orrunlatnja gárrenávnasiid haga.

Lassedieđut:

Kaisa Tapiola-Länsman

Asttuáiggekoordináhtor

kaisa.tapiola-lansman@utsjoki.fi

0400 319 852

Selja Puolitaival

Buvttadeaddji

selja.puolitaival@utsjoki.fi

040 723 9455