Sámenuorat čoahkkanit dáiddadáhpáhussii 19.5. Gáregasnjárgii
18.5.2026
Sámedikki jahkásaččat ordnen sámenuoraid dáiddadáhpáhus ordnejuvvo dán giđa Gáregasnjárgga skuvllas. Gáregasnjárgga skuvla fálai dáhpáhusbáikin skuvlla Ohcejoga gieldda 150 jagi ávvudeapmái.
Mánát ja nuorat vuojihuvvojit eará sámeguovllu skuvllain Gáregasnjárgii. Guhkkelabbos boahttit idjadit Gáregasnjárggas. Maiddái Ohcejohnjálmmi ja Njuorggáma skuvllain ordnejuvvojit sáhtut dáhpáhussii.
Dáiddadáhpáhusa temán lea dán jagi luohti, livđe dahje leu’dd ja máinnasteapmi. Ovdal bálkkašumiid juohkima lea EiGan konsearta. Dasa lassin lea sierralágan lasseprográmma.
– Sávvat buot gussiidasamet liekkus bures boahtima sámeguovllu mánáid ja nuoraid dáiddadáhpáhussii Gáregasnjárgii, sávvá Ohcejoga gieldda buresveadjinhoavda Pirjo Seurujärvi.