Váldostivra čoahkkana gaskavahku 21.6. – čuovo čoahkkima njuolggosáttan dmu 14 rájes!
19.6.2023
Ohcejoga váldostivra. Govva: Studio Borga
Ohcejoga váldostivra čoahkkana gaskavahku 21.6.
Váldostivra gieđahallá earret eará earu mieđiheami gielddahoavda Taina Pieskii ja virggi ohcanláhkai almmuheami. Pieski lea eretcealkán iežas virggistis 1.8.2023 rájes ja báhcán virgefriijavuhtii 18.5.2023. Vs. gielddahoavdan doaibmá dán dilis eallinfápmohoavda Tanja Lepistö.
Čoahkkimis čađahit váldostivrra ságadoalliid ja gielddaráđđehusa lahtuid, persovnnalaš várrelahtuid ja ságadoalliid válgga doaibmabadjái 2023–2025. Váldostivra mearrida maiddái earret eará jagi 2022 ruhtadoalloloahpaheami ja ođđa gieldastrategiija 2035 dohkkeheamis.
ČUOVO ČOAHKKIMA NJUOLGGOSÁTTAN
Váldostivrra čoahkkimat leat buohkaide rabas. Čoahkkima leage vejolaš čuovvut njuolggosáttan Ohcejoga gieldda Youtube-kanálas gaskavahku 21.6. sullii dmu 14 rájes. Čoahkkinbáddi lea oaidnimis kanálas maiddái njuolggosáddaga maŋŋá. Gielddadálus čoahkkima sáhttá čuovvut feaskkirlanja šearpmas.
Čoahkkimis lea simultánatulkon sámegielas suomagillii. Maiddái tulkojuvvon báddi almmustahtto Youtube-kanálas editerema maŋŋá.
OAHPÁSMUVA EVTTOHUSLISTUI
Sáhtát oahpásmuvvat čoahkkima olles evttohuslistui dákko. Čoahkkinbeavdegirji almmustahtto dárkkisteami maŋŋá neahttasiiddusteamet.