Vs 21.9.2026 Ohcejoga gieldda váldostivra dohkkehii jagi 2025 ruhtadoalloloahpaheami
28.9.2026
Ohcejoga gieldda váldostivra čoahkkanii 21.9. gieđahallat jagi 2025 ruhtadoalloloahpaheami ja eará áššiid, mat ledje čujuhuvvon gielddaráđđehussii mearridanláhkai. Mannan jagi ruhtadoalloloahpaheami dohkkeheapmi lea maŋŋonan earret eará vuojadanhálla saneremii láktaseaddji áššiid dihtii, maidda váldostivra hálidii lassečielggademiid. Jagi 2025 ruhtadoalloloahpaheapmi lei vehá badjel 600 000 euro vuollebázalaš. Ruhtadoalloloahpaheapmi dohkkejuvvui ja váldostivra mieđihii vástofriijavuođa čilgengeatnegasaide jagis 2025 ruhtadoalloloahpaheami muitalusa mielde.
Dárkkistanlávdegotti ságadoalli, gielddaáirras Veikko Porsanger lea cealkán iežas eret gieldda luohttámušdoaimmain. Váldostivra mieđihii Porsangerii earu ja gávnnahii ahte su sadjái váldostivrii loktana Mika Koskenniemi. Dárkkistanlávdegotti ságadoallin válljejuvvui Juha-Matti Röntynen ja várreságadoallin válljejuvvui Mika Koskenniemi.
Čoahkkimis gieđahalle guhká ja vuđolaččat huksensajiid haddebidjama dárkkálmahttima ja gieldda huksensajiid vuovdineavttuid. Áššečuoggáid gieđahallama joatkin gáibidii guokte jienasteami. Loahpas mearrádusevttohusat dohkkehuvvojedje smávva nuppástusaiguin. Ovddidan- ja biraslávdegotti válljen bargojoavku joatká huksensajiid haddebidjama ja vuovdineavttuid dárkkálmahttima.
Čoahkkima beavdegirji (pdf)
Lassedieđut
Váldostivrra ságadoalli
Mika Aikio
0400 558 391
mika.aikio@utsjoki.fi
Gielddahoavda
Päivi Kontio
040 744 7630
paivi.kontio@utsjoki.fi