Vs 9.11.2026: Ohcejoga gielddastivra bajidii huksekeahtes eatnama giddodatvearu
10.11.2026
Ohcejoga gieldda váldostivra čoahkkanii 9.11. mearridit boahtte jagi vearroproseanttaid dásis. Gielddaráđđehus evttohii, ahte boahtovearu ja opmodatvearu proseantadássi doalahuvvo dálá dásis. Áirras Väinö Guttorm evttohii, ahte giddodatvearroevttohusas spiehkastuvvo nu, ahte huksekeahtes hukseneanaproseanta bajiduvvo njealji prosentii. Guttorm evttohus guottihuvvui nu, ahte bajádus dohkkehuvvui ovttamielalaččat. Eará vearroproseanttat bisuhuvvojedje dán jagi dásis.
Váldostivra gieđahalai maid gieldda ođđa huksenortnega, man válmmaštallamis muitalii Soađegili gieldda huksendárkkisteaddji Joni Kiemunki. Ođđa huksenortnet lea válmmaštallon bargojoavkkus, dat lea gieđahallon čavčča áigge ovddidan- ja biraslávdegottis ja gielddaráđđehusas. Huksenortnet dohkkehuvvui ságastallama haga.
Dan sadjái lassemearreruhtaevttohusat bázahusfuolahusa ja SER-báikkiid einnostuvvon stuorit goluide bohciidahtii ságastallama, go gieđahallojuvvui Ohcejoga gieldda bázahusfuolahusa dilli. Guovločoagginlihtiid čoagginsajiid leat geahpedeamen ja sirdáseamen dađistaga giddodatguovdasaš bázahuslihtiide.
Goappašat lassemearreruhtaevttohusat dohkkehuvvojedje.
Beavdegirji (pdf)
Lassedieđut
Váldostivrra ságadoalli
Mika Aikio
0400 558 391
mika.aikio@utsjoki.fi
Gielddahoavda
Päivi Kontio
040 744 7 630
paivi.kontio@utsjoki.fi