Wifi-riŋgemat buoridit oktavuođaid guovlluin, gos mobiilafierbmi lea headju

Ohcejogas gánneha váldit atnui wifi-riŋgemiid. Dát iešvuohta dahká vejolažžan riŋgemiid ja vuostáváldima wifi-fierpmi bokte, vaikko mobiilafierbmi livččii headju dahje ii doaimmaše ollege doarjjastašuvnnaid bieđganeami dahje fuolahusa áigge.

Máŋggain gieldalaččain lea juo geavahusas jođánis čuovgafiberoktavuohta, mii dahká wifi-riŋgemiid atnuiváldimis erenomáš ávkkálačča. Wifi-riŋgemat doibmet maiddái olgoriikkain, jos don leat oktavuođas báikkálaš wifi-fierbmái.

Vulobealde rávvagat wifi-riŋgemiid atnuiváldimii golmma dábálamos operáhtora lavttain: Dna, Elisa ja Telia.

Dna

• Sihkkarastte, ahte du lakta doarju wifi-riŋgemiid. Sáhtát dárkkistit ášši Dna áššehasbálvalusas dahje neahttasiidduin.
• Aktivere iešvuođa Oma DNA -heivehusas dahje váldimiin oktavuođa áššehasbálvalussii.
• Váldde wifi-riŋgemiid geavahussii telefovnna ásahusain:

iPhone: Asetukset > Matkapuhelin > Wifi-puhelut > Kytke päälle.

Android: Asetukset > Yhteydet > Wifi-puhelut > Kytke päälle.

• Go iešvuohta lea aktiverejuvvon, riŋgemat sirdásit automáhtalaččat wifi-fierpmi bokte, jos mobiilafierbmi lea headju.

Elisa

• Dárkkis, ahte du lakta ja telefovdna dorjot wifi-riŋgemiid. Lassedieđu gávnnat Elisa neahttasiidduin.
• Aktivere wifi-riŋgemiid OmaElisa-bálvalusas dahje Elisa áššehasbálvalusa bokte.
• Váldde wifi-riŋgemiid geavahussii telefovnna ásahusain:

iPhone: Asetukset > Matkapuhelin > Wifi-puhelut > Kytke päälle.

Android: Asetukset > Yhteydet > Wifi-puhelut > Kytke päälle.

• Riŋgemat mannet automáhtalaččat wifi-fierpmi bokte, go mobiilafierbmi ii doaimma doarvái bures.

Telia

• Sihkkarastte, ahte du lakta doarju wifi-riŋgemiid. Lassediehtu gávdno Telia neahttasiidduin dahje áššehasbálvalusas.
• Aktivere wifi-riŋgemiid Minun Telia -heivehusas dahje áššehasbálvalusa bokte.
• Váldde wifi-riŋgemiid geavahussii telefovnna ásahusain:

iPhone: Asetukset > Matkapuhelin > Wifi-puhelut > Kytke päälle.

Android: Asetukset > Yhteydet > Wifi-puhelut > Kytke päälle.

• Wifi-riŋgemat doibmet automáhtalaččat, go mobiilafierbmi ii leat geavaheamis.

FUOM! Heahtetelefovnnat eai gaskkustuvvo WiFi-fierpmis. Heahtetelefovnnat stivrejuvvojit álo automáhtalaččat mátketelefonfierpmi bokte. Norgga fierpmi doaimmadettiin 112 manná Norgga bolesii.

Lassediehtu ja doarjja

Jos dus lea jearramuš wifi-riŋgemiid atnuiváldimis dahje deaividat váttisvuođaid, váldde oktavuođa iežat operáhtora áššehasbálvalussii. Sii veahkehit du iešvuođa aktiveremis ja atnuiváldimis.

Doaivvu mielde wifi-riŋgemat buoridit ja álkidahttet oktavuođaid doallama Ohcejogas!