Ohcejoga vuojadanbáikkit ja almmolaš sávnnit

  • Ohcejoga vuojadanbáikkit

    Utsjoen uimapaikat ja yleiset saunat 1

    Nisojávrris (sullii 2,5 km Ohcejoga gilis) lea buohkaide rabas vuojadanbáiki ja sávdni, mii várrejuvvo ovddalgihtii ja mas berrojuvvo máksu (lassedieđut vulobealde). Vuojadangátti ja gárvodanlanja (geassit) ja dolastallangáhttosa ožžot buohkat geavahit. Gáttis ii leat gohcin, de ále eisege guođe mánáid ja sin, geat eai máhte vuodjat, okto čáhcái – gáddi čiekŋu fáhkka.

    Nisojávrái rahppojuvvo dálvit vuojadanrudni. Fuomáš, ahte rutnis fuolahit eaktodáhtolaččat, de dat ii vealttakeahttá leat álo rabas. Jos háliidat geavahit rutni, de goaivvo muohttagiid eret lohki ravddain ja gaikko báttiin vai lohkki rahpasa. Goaivvo  vejolaš gavdda dahjege asehis jieŋa rutnis. Go leat geargan, de luoitte lohki fas rutni ala. Goaivvo vel muohttaga ravddaide, amas rudni jiekŋut.

    Nisojávrri guovllus gávdno earet eará frisbeegolf-gieddi ja buorit merkekeahtes bálgát.

  • Gáregasnjárgga vuojadanbáikkit

    Sivua täydennetään.

  • Njuorggáma vuojadanbáikkit

    Sivua täydennetään.

  • Nisojávrri várrensávdni

    Liikuntatilat 1

    Ohcejoga Nisojávrris lea dudnarsávdni, mas berrojuvvo máksu. Dat lea dárkkuhuvvon gieldda ássiide. Sávnni sáhttá várret Ohcejoga vuojadanhállas dalle go dat lea rabas. Haddi lea 30 euro/3 diimmu. Sávnni galgá máksit ovddalgihtii vuojadanhálla máksinkássii. Boaldinmuoraid galgá buktit ieš, dahje oastit vuojadanhállas seahka 12 euro hattin.

    Fidnet mávssu oktavuođas vuojadanhállas koda, mainna oaččut sávnni čoavdaga Masterlock-čoavddaskuohpus. Muitte máhcahit čoavdaga skuhppui. Go láigohat sávnni, de čatnasat čuovvut dáid njuolggadusaid.

    Sávnni liggen: deavdde čáhcelihti álo ovdal go liggegoađát sávnni. Muitte maid gurret lihti geavaheami maŋŋá, go dollabeasis ii šat buole dolla. Sáhtát buktit sávdnái iežat boaldenmuoraid dahje oastit vuojadanhállas ovddalgihtii hálgoseahka. Dan haddi lea vihtta euro. Hálgoseahkat gávdnojit Nisojávrri muorravisttis. Ále guođe sávnni gozekeahttá álege ligge sávnni badjelmeare báhkasin. Várut báhkka givgása.

    Sávdnuma maŋŋá muitte gurret čáhcelihtiid, doidit lávddiid ja láhttiid ja vel sihkastit gárvodanlanja láhtti ja vel terássa beaŋkkaid ja láhtti. Guođe sávnni čorgadin čuovvovaš sávnnodeaddji várás.