Kuuntele

Ohcejoga girjerádjobálvalusat

Ohcejoga gielda fállá girjerádjobálvalusaid sihke Pedar Jalvi -váldogirjerájus Ohcejoga girkosiiddas. ja girjebusses mii johtá gielddas gilis gillái. Lassin fállun leat earálágan e-bálvalusat. Buresboahtin girjerádjui!

Pedar Jalvi -váldogirjerádju

Oktavuođadieđut

+358 40 181 0261
kirjasto@utsjoki.fi
Utsjoentie 48 A, 99980 Ohcejohka

Instagram
Facebook

Rabasáiggit

Vu-Du 13–19
Be 10–16

Ohcejoga girjeráju bálvalusat

Utsjoen kirjastopalvelut 4

Ohcejoga girjerájus leat almmolaš čoakkáldagaid lassin viiddis sámečoakkáldat. Lassemateriála sáhttá várret earet eará Roavvenjárgga gávpotgirjerájus ja Suoma sámi sierragirjeráju viiddes sámečoakkáldagas.

Pedar Jalvi -váldogirjeráju bláđđelohkansáles lea logus aviissat (Lapin Kansa Inarilainen ja Ávvir) ja áigečállagat, maid sáhttá maiddái luoikkahit. Girjerájus lea máŋggadoaimmarusttet, mainna lea vejolaš čálihit, skánnet ja kopiastit. Lassin áššehasaid geavahusas leat guokte dihtora.

Bláđđelohkansále oktavuođas lea čájáhuslatnja man sáhttet várret nuvttá sihke searvvit ja priváhta olbmot.

Girjerádju luoiká maiddái lihkadanbiergasiid! Sáhtát luoikkahit earet eará iešguđetlágan hárjehallanbiergasiid (dego čoavjedeahkke- ja fápmohárjehallanjuvllaid, geavjabuttuid, giehtabuttuid, soppiid, hárjehallanránuid njuikunbáttiid ja gummebáttiid), mátkeluistemiid muohtagápmagiid, sihke soppiid muohtagámavázzimii, čuoigamii ja vázzimii. Jeara lasi girjerájus!

FUOM! Luoikkahuvvon materiálaid sáhttá maid máhcahit ruovttoluotta go girjerádju lea gitta!Váldogirjeráju máhcahusgássa lea asttuáiggeguovddáža váldofeaskáris. Dálu olgouksa lea rabas iđitbeivviid ja maiddái dallego vuojadanhálla ja lášmmohallanbáiki lea rabas. Gáregasnjárgga ja Njuorggán máhcahusgássat leat giliid K-gávppiin. Muitte dárkkistit luoikkahanáiggiid earrebeaivvi, dasgo luoikkahuvvon ja ruovttoluotta máhcahuvvon materiálaid, fievrridit váldogirjerádjui.

Gilis gillái johtá girjebusse

Kirjastoauto 1

Ohcejoga giliin johtá juohke goalmmát vahkus girjebusse, gos sáhttá luoikkahit materiálaid ja máhcahit ruovttoluotta materiálaid ja maiddái várret materiála eará Lappi girjerájuin. Girjebusses lea vejolaš fidnet maid alcces luoikkahangoartta Norgga beale registara materiála luoikkaheami várás. Girjebussedoaibma ollašuhttojuvvo ovttasbarggus Deanu ja Unjárgga gielddaid girjebussiin.

Girjebusse vuodjá Ohcejoga gielddas juohke goalmmát vahku maŋŋebárggaid, gaskaváhkuid ja duorastagaid. Girjebusse vuodjá maŋŋebárgga Njuorggánii ja gaskavahkuid Ohcejoga girkosiiddas Gámasmohki bokte Gáregasnjárgii. Duorastaga girjebusse vuodjá Deanogeainnu bisánanbáikkiid bokte.

Gávnnat girjebusse áigetávvaliid ja bisánanbáikkiid dás. Girjebussii sáhtát váldit oktavuođa telefovnna bokte +47 4044 0555.

Lappi girjeráju bálvalusat

Ohcejoga girjerádju lea Lappi girjeráju oassin. Luoikkahangoarttain sáhtát nappo nuvttá várret ja luoikkahit materiála maid eará Lappi girjerájuin ja maiddái geavahit oktasaš neahttamateriálaid. Neahttagirjerádju doibme čujuhusas lapinkirjasto.finna.fi,doppe du geavahusas lea oppa Lappi girjeráju oktasaš materiáladiehtovuođđu.

Lappi girjeráju diehtosuodječilgehus.

Digitála bálvalusat

Lappi e-girjeráju bálvalusaide (ee. e-girjjit, -jietnagirjjit ja -bláđit sihke musihkka- ja ealligovvabálvalusat) beasat čállit sisa iežat girjerádjodovddaldagaiguin. Buot bálvalusat gávdnojit dáppe. Girjerádjodovddaldagaid sáhtát aktiveret váldimin oktavuođa Ohcejoga girjerádjui.