Dorvvolaš sihkkelastinturisma Deanuleagis

Dorvvolaš sihkkelastinturisma Deanuleagis -prošeakta buvttada čielggadusaid ja plánaid Deanuleagi turismainfra ja turismafitnodatdoaimma  ovddideami doarjjan.

Prošeavtta mihttomearrin lea ollašuhttit almmolaš čielggadanbarggu das mo Deanuleahkái nagodat ovddidit dorvvolaš ja vásttolaš sihkkelastinturismafitnodatdoaimma ja luondduturismma. Ovdánahttinbarggu ulbmilin lea oažžut guvlui ođđa turistajoavkkuid.

Ollašuhtton čielggadusat leat almmolaččat ávkkálačča ja dat dorjot oppa gieldda fitnodatdoalliid, gávppálaš suorggi sihke eará bálvalusaid buvttadeaddjiid. Dan lassin dorvvolašvuođaplána bokte ulbmil lea ovdánahttit maid ee. gieldalaččaid johtolatdorvvolašvuođa.

Ohcejoga gielddas ollašuhttit TENO Outdoor -prošeavtta, man ulbmilin lea ealáskahttit Deanuleagi fitnodatdoaimma bálvalusbuvttaollisvuođaiguin, mat laktásit vásttolaš turismii. Dán prošeavtta ollašuhttima dáfus lea dehalaš, ahte Deanuleagis dahkat guovddáš čielggadusbargguid sihke gártemiid, maid bokte nagodat ovddidit dorvvolaš ja vásttolaš bálvalanollisvuođaid.

Prošeavttas dahkat Guovlluluodda 970 guoras turismainfra ja turismafitnodatdoaimma ovddideami doarjuma dihte čuovvovaš čielggadusaid ja plánaid:

1. Guovllu dorvvolašvuođačielggadus ja -plána
2. Logistihkkačielggadus
3. Oahpistanplána

Gártemiid ja čielggadusaid ollašuhttit eanáš oastinbálvalussan. Prošeavttas prošeaktahoavddas lea  20 % ja prošeaktakoordináhtoris 15 % bargoáigi.

Prošeakta bistá 1.6.2022 – 31.3.2023 ja golluárvvoštallan  lea 45 573 euro. Prošeavtta ruhtada 100 % doarjagiin Eurohpa dálonguovlu ovddideami eanadoallofoanda (Euroopan maaseudun kehittämisen maatalousrahasto).