Jearahallan Ohcejoga gieldalaččaide ja fitnodagaide guovllu ovddidandoaimmain

Fuom! Vástidanáigi lea nohkan!

Máilmmeviidosaš koronapandemiija ja Deanu luosa guolástangielddus leat buktán vuorddekeahtes hástalusaid Ohcejoga gieldda ja gieldalaččaid eallimii. Ohcejohka lea dili dihte ohcan Fáhkka ráhkadusnuppástusa (ÄRM) gieldan ja plánegoahtán dárbbašlaš doaimmaid vuoi guovllus livčče eallinfápmu maid boahtteáiggis.

Koronaráddjehusat, rájáid giddemat ja Deanu luosa ráfáidahttin čuhcet mearkkašahtti láhkai earret eará báikkálaččaid buresveadjimii, sosiála gaskavuođaide, sámekultuvrii, ealáhusaide ja rádjagávpái. Iešguđetlágan barggolašvuođa-, ealáhus-, guovlluovddidan- ja eará vástideaddji doaimmaiguin lea ulbmil eastit guovllu ekonomiija maŋosmannama, nanosmahttit gieldda eallinfámu ja buoridit gieldalaččaid buresveadjima.

Mii hálidat gullat nu viidát go vejolaš gieldamet olbmuid ja fitnodagaid jurdagiid dilis vuoi fidnet buorre oppalaš gova dárbbašlaš doaimmain.

Muital jearahallanskoviin, mo koronaráddjehusat ja/dahje Deanu luossabivdogielddus leat váikkohan du dahje du fitnodaga eallimii ja makkár doaimmaiguin Ohcejoga gieldda ja du ruoktogili eallinfámu ja du buresveadjima sáhtášii dán dilis buoridit. Sáhtát deavdit skovi namaheapmin, muhto jos hálidat, ahte mii leat duinna oktavuođas, muital maiddái namat ja oktavuođadieđuidat!

ÄRM-gažadeapmi