Veajuiduhtti bargodoaibma

Veajuiduhtti bargodoaibmama ulbmil lea veahkehit guhká bargguheapmin leamaš olbmo nannemiin eallima -ja árggahálddašeami sihke bargo -ja doaibmannávccaid. Veajuiduhtti bargodoaibman maiddái eastada servodaga olggobeallái báhcima addimiin vejolašvuođa bargodoaibmamii ja eará bálvalusaide.

VEAJUIDUHTTI BARGODOAIBMAN

Geasa?

Veajuiduhtti bargodoaibman lea dárkkuhuvvon olbmuide, geat ožžot guhkesáigásaš bargguhisvuođa vuođul bargomárkandoarjaga dahje áigáiboahtindoarjaga ja geat dárbbašit doarjaga ja rávvema árggahálddašeapmái, iežaset nanusvuođaid kártemii ja joatkkaplánaid dahkamii.

Veajuiduhtti bargodoaibman ii leat dárkkuhuvvon olbmuide, geat nákcešedje oassálastit bargui bargogaskavuođas dahje almmolaš bargofápmobálvalusaide. Veajuiduhtti bargodoaibmama ordnemis vástida álo gielda ja das šihttojuvvo aktiverenplánas, mii ráhkaduvvo ovttas áššehasain, sosiálajođiheaddjiin ja bargofápmorávvejeaddjiin.

Sisdoallu:

Veajuiduhtti bargodoaibmama bargguid birra šihttojuvvo oktagaslaččat vuhtiiváldimiin du bargo- ja  doaibmannávccaid sihke máhtu. Veajuiduhtti bargodoaibman lea ulbmila vuođul doaibman, man dárkkuhussan lea veahkehit du gávdnat bálgá barggu dahke skuvlema guvlui. Ulbmilin lea maiddái oppalašdili buorráneapmi vehážiid mielde, oktagaslaš plána vehkiin.

Mii ráhkadat duinna ovttas maiddái joatkkaplána du iežat sávaldagaid, máhttima ja dárbbuid vuođul. Joatkkaplánii sáhttet siskkálduvvat ovdamearkka dihtii skuvlema álggaheapmi, barggu ohcan dahje juoga eará dutnje vuogas bálvalus.

Veajuiduhtti bargodoaibmamis sáhtát iskkadit ja árvvoštallat iežas veadjima bargoeallimis. Bargodoaibmama lassin oaččut dárbbašettiin doarjaga ja veahki iežat dillái, doaibmamii gullá maiddái dearvvasvuođadili kárten dearvvasvuođadikšuin ovttas.

Sáhtát oassálastit bargodoaibmamii iešguđetlágan servodagain ja organisašuvnnain dahje sáhtát doaibmat iešguđetlágan veahkkebargguin gieldda sierra doaibmasurggiin/doaibmasajiin. Dutnje šaddi duođalaš mátkegolut ruovttu ja bargosaji gaskka buhtaduvvojit dárbbašettiin hálbbimus molssaeavttu mielde.

Geavada diehtu veajuiduhtti bargodoaibmamis:

  • badji lea uhcimustá golmma mánotbaji guhkkosaš ja dan sáhttá dárbbu mielde joatkit
  • Bargodoaibmamii sáhtát oassálastit 1 – 4 beaivve vahkus
  • du bargoáigi lea 4-6 diimmu beaivvis
  • it leat bargogaskavuođas iige bargodoaibmamis leat lasse-, badjeláigge-, idja- iige vuorrobargu
  • bargodoaibmanáigge oaččot gollobuhtadusa (9€/bv)
  • veajuiduhtti bargodoaibmamii heivehuvvo bargodorvvolašvuođaláhka ja gielda ordne

bargodoaibmama áigái bárteoadjodáhkádusa

  • ii lasit áiggi, man galgá leat barggus, ahte deavdá eavttu mii lea biddjon bargguhisvuođadorvvu oažžumii

Man láhkai ozan?

Veajuiduhtti bargodoaibmamii sáhtát ohcat BE-doaimmahaga dahje sosiáladoaimmahaga bokte. Sáhtát árvvoštallat bargiin ovttas veajuiduhtti bargodoaibmama heivvolašvuođa aiddo du dillái.

Veajuiduhtti bargodoaibmamis oaččot lassedieđu sosiálarávvejeaddjis.

Lassedieđut

Sosiálarávvejeaddji
Jonna Lähteenmäki
tel. 040 676 5004
jonna.lahteenmaki@utsjoki.fi