Gielddahoavda Päivi Kontio sáhka gieldda 150 jagi doaluiguin
17.11.2026

Buorit ávvoguossit
Bures boahtin Ohcejohkii, Sámeeatnama váibmui, sámiid ruovttuguovlui, Suoma eanemus suodjaluvvon ja EU ja Suoma davimus gildii.
Gildii, mas Deatnu earuha gonagasgotti ja dásseválddi, máŋgga geardde suodjaluvvon meahcceguovllut leat aidnalunddolaččat Suomas ja jos vuoddjá nellješ geainnu beare njuolgga lea fáhkka Norgga bealde.
Nugo mis juohkehaš diehttá, máidnasat šaddet olbmuid gaskasaš ovttastallamis. Ohcejogas máidnasat leat earenoamažat, dat leat muitalusat eallima sierra guovlluin, mat leat riegadan Deanu čáziin, duottariid biekkain ja rádjegávppis.
Nugo mis juohkehaš diehttá, máidnasat šaddet olbmuid gaskasaš ovttastallamis. Ohcejogas máidnasat leat earenoamažat, dat leat muitalusat eallima sierra guovlluin, mat leat riegadan Deanu čáziin, duottariid biekkain ja rádjegávppis.
Mas álggii Ohcejoga gieldda 150 jahkásaš historjjá? Jagi 1865 gielddaásahus nabbo Keisarlaš masestehta árbmolaš ásáhus gielddaráđđehusas eatnamis mearridii, ahte Suomas eanondoalu girkodoalliid ovddásfástadusas leahkki áikkálaš áššit sirdojuvvojedje eanangottiid bargun ja vuoiŋŋalaš áššiid luterálaš searvegottiid ovddásfástahusa vuollái.
Girkui báhce áikkálaš bargguin servolašrehketdoallu ja dat oaččui doallat opmodagas. Sirdašanáigi lei logemat jagi ja nu 1876 Anáris ja Ohcejogas bohtte dálongielddat.
Go oahpásmuvven gieldda 150 jagi historjái ja go lohken girje- ja diktačálliid girjjiid in sáhte eará go lohkat, ahte lean issoras čeavlái Ohcejoga gielddas.
Maiddái mediai beassan sierralágán dáhpáhusat jagiid mielde leamašan iežas luohkkás. Ođđasiin badjána sitkatvuohta ja hállu doallat gieldda iehčanassan, fuolla gieldda ekonomiijas ja mátkeealáhusa ovdánahttin. Oahpes áššit maid otná beaivve…
Ohcejoga gielddas lea iskojuvvon máŋggalágán áššit, oassi dain lea ovdánan doaibman, oassi lea báhcán váldostivrra ja gáffebevddiid ságástallanfáttán.
Go 1990-logu álggus eará guovlluin Suomas ságástalojuvvui searvamis Eurohpa uniona láhtun, Ohcejogas ságástalle gárrasit gaskavuola guovdingildosa gomiheamis. Gaskavuola vuovdingielddus vásihuvvui muhtun olbmuid gaskkas maid mátkeealáhusa ovdánahttima eastadin.
Deanu rolla johkasápmelaččaid kultuvrra seailluheamis ja guolleturisma Mekkan boahtá dávjá ovdan muitalusain, dat lea seamma dáhálaš go duottaris guohttu bohccuid mearkkašupmi boazodullui sápmelaččaid árbevirolaš ealáhusaid geahččanguovllus.
Mátkeealáhus lea jorran gieldda historjjás meastá oalát Deanu birra. Atlánta luosa guolástangielddus jagis 2021 bissehii olles gieldda ja bákkii smiehttat ođđa vejolašvuođaid.
Ruoššaluossa bođii olbmuid ságáide ja boahttevuođa iskat hukset dan birra, vaikko dás ráđđádallamat norgalaččaiguin leat oalle gaskan.
Ruoššaluosa mii oaidnit vejolašvuođan ja dan ollislaš ávkástallan borramušguolis bioboaldinávdnasin sáhtášii buktit gildii váillahuvvon euroid.
1980-logus gielddas lei fuolla duottarjávriid rávddus, ballojuvvui ahte dat láhppo duottarjávrriin. Dalle plánejuvvui guollešaddadanlágádusa vuođđudeapmi.
vuosttašin rávddu veajehat šaddajuvvošedje ja sirdošedje buhtes duottárjávrriide. Guollešaddadanlágáus ii goassige gildii boahtán ja eallin joatkašuvai.
Ohcejoga gielddas lea ollu sámedáiddárat. Leat duojárat, girje- ja diktačállit, govvadáiddárat ja musihkkárat, geaid bargu lea dovddus riikkadásis ja olgoriikkain. Lea earenoamáš dehálaš, ahte sápmelaš kultuvra ja sámegiella ellet Ohcejoga gieldda árggas.
Mii galgat leat čeavlái 150-jagi ruoktogielddasteamet, dan luonddus, olbmuin ja kultuvrras. Geahččat ovddosguvlui, oaidnit vejolašvuođaid doppe mii orru leamen veadjemeahttun ja abba iskat bossut dasa dovddus oktasaš hiillai ovttas.
Sávan din buohkaid liekkusit buresboahttán gieldda oktasaš doaluide!