Gr 8.9.2026: Ohcejoga gielda ohcá árvvoštallanvuloš stáhtaossodaga
10.9.2026
Ohcejoga gielddaráđđehus čoahkkanii 8.9. ja gieđahallat guhkes listtu áššiid. Gielddahoavddas ja buresveadjinjođiheaddjis dahkkon heađuštanalmmuhusaid oasil ášši gieđahallan gávnnahuvvui leat nohkan. Gielddaráđđehus ásahii miessemánus bargojoavkku čielggadit heađuštanalmmuhusaid, ja čielggadanbargojoavku oaččui barggus gárvvisin borgemánus. Mearrádusevttohusas gávnnahuvvui, ahte ožžojuvvon čielggadeami vuođul ii leat čájehuvvon, ahte gielddahoavdda dahje buresveadjinjođiheaddji meannudeapmi leamašan bargodorvvolašvuođalágas máinnašuvvon heađušteapmi dahje eará eahpeáššálaš láhtten. Bargojoavku lea addán ovddidanrávvagiid gieldda skuvllaid doaimma ja bargoservošiid ovddideami várás.
Gielddaáirras ja dárkkistanlávdegotti ságadoalli Veikko Porsanger lea almmuhan, ahte son luohpá gieldda luohttámušdoaimmain. Su sadjái váldostivrii boahtá Mika Koskenniemi. Gielddaráđđehus evttoha váldostivrii, ahte dat vállje ođđa ságajođiheaddji dárkkistanlávdegoddái.
Gielddaráđđehus mearridii, ahte Ohcejoga gielda ohcá árvvoštallanvuloš stáhtaossodaga bajádusa jahkái 2026. Doaibmasurggiid bušeahttaráma nannen jahkái 2027 addojuvvui gielddahoavdda bargun ovttas stivrenjoavkkuin. Gieldda ruhtadilli dilli lea ain váttis.
Gieldda eaiggáduššan ráidodálloviessu mearriduvvui vuvdot dasa gii lea guođđán alimus fálaldaga. Viessosajiid hattit dárkkálmuhttojedje ja dárkkálmuhtton haddenprinsihpaid doalvut gielddastivrii mearridanláhkai. Gielddastivrii evttohuvvo dohkkehanláhkai gieldda sajádatlávvaguovllu viessosajiid várreneavttut.
Čoahkkima beavdegirji (pdf)
Lassedieđut
Gielddaráđđehusa ságadoalli
Vuokko Tieva-Niittyvuopio
0400 933 754
vuokko.tieva-niittyvuopio@utsjoki.fi
Gielddahoavda
Päivi Kontio
040 744 7630
paivi.kontio@utsjoki.fi