Kommentere Ohcejoga gieldda buresveadjinplána 2026-2029 17.5.2026 rádjái

Buresveadjinplána 2026-2029 lea gieldda sierra doaibmasurggiid ja čanusjoavkkuid ovttasbarggus ráhkaduvvon plána, mii sisttisdoallá ulbmiliid ja doaibmabijuid gieldda ássiid buresveadjima ja árgabeaivvi dorvvolašvuođa ovddideami ovdii.

Buresveadjinplána deaddosuorgin leat válljejuvvon:

Buresveaddji ássit
Vuolggasadjin lea olbmuid vejolašvuohta dahkat iežaset guoski dearvvašvuođa ja buresveadjima ovddideaddji mearrádusaid, mat laktásit biebmodillái, lihkadeapmái, kulturdoaimmaide ja ahte eai geavahuvvo gárrenávdnasat sihke mielladearvvasvuođa doalaheapmái. Gielda ovddida gieldda ássiid dearvvasvuođa, buresveadjima, dorvvolaš ássama ja maiddái asttuáigge bálvalusaid buot ahkásaš olbmuide. Dearvvaslaš eallinvugiid doalaheapmi ja bálvalusaid oažžun unnida ássiid buohcama ja ovddida sin doaibman- ja bargonávccaid. Ohcejogas badjána ovdan luonddu mearkkašupmi ássiid buresveadjima ja dearvvasvuođa nannedeaddjin ja bajásdoallin.

Searvvušlašvuohta ja servvolašvuohta
Ulbmilin lea ovddidit gieldda olbmuid vásáhusaid mearkkašumi dovddu ektui ja guovllu bisuhanfámu sihke eastadit oktonasvuođa ja riskka servodaga olggobeallái ravgáseamis. Seammás doarjut gieldda ássiid váikkuhanvejolašvuođaid. Servviid mearkkašupmi badjána servvolašvuođa ja searvvušlašvuođa ovddideamis, dasgo dat fállet jierpmálaš buđaldamoša ja doaimmaid, vejolašvuođaid oassálastit ja vásáhusaid servošii gullamis. Digitáladáiddut sáhttet váikkuhit olbmuid buresveadjimii máŋgga láhkai. Geavatlaččat jearaldat sáhttá leat ovdamearkka dihte das, ahte gávdnágo rivttes ja luohtehahtti dieđu, nagodago váikkuhit alcces dehalaš áššiide, vai nagodago dikšut árgabeaivválaš áššiid ovdamearkka dihte eiseválddiiguin.

Argabeaivve dorvvolašvuohta
Ulbmilin lea, ahte gielda lea buot ahkásaččaide buorre ja dorvvolaš báiki orrut ja eallit. Dorvvolašvuohta ovddiduvvo sierra bálvalusaid, doaimmaid ja johtolatoktavuođaid plánemis ja ollašuhttimis ovttas sierra doaibmiiguin. Bálvalusaid olahahttivuođas fuolahuvvo sihke fysalaččat ja gielalaččat. Gieldalaččaid dorvvolašvuođadovdu ovddiduvvo konkrehtalaš doaimmaiguin iešguđetlágan birrasiin, dego árrabajásgeassimis, skuvllain, bargosajiin ja astoáiggis.

Erenoamáš fuomášupmi gieldda sámi álbmogii
Ohcejoga gieldda buresveadjinplánas ovdanbukton ulbmilat ja doaibmabijut gusket buot gieldda olbmuid, beroškeahttá čearddalašvuođas. Ohcejohka lea leamaš máŋgga sámi álbmoga guoskevaš áššiid njunnošis Suomas, daningo dáppe sápmelaččat leat leamaš eanetlogus ja gielda lea leamaš aktiivvalaš sápmelaččaid vuoigatvuođaid nannemis Erenoamážit sápmelaččaid guoski ulbmilat ja doaibmabijut leat maid sierra čalmmustahtton plánas.

Buresveadjin- ja dorvvolašvuođaplána evttohus lea dál oaidnin láhkai gieldda neahttasiidduin. Sáhtát buktit ovdan oainnuidat plána ektui čuovvovaš liŋkka bokte 17.5.2026 rádjai.

Geahča plánaevttohusa.

Kommentere 17.5. rádjái.

Lassedieđut

Buresveadjinhoavda Pirjo Seurujärvi
040 139 5420
pirjo.seurujarvi@utsjoki.fi