Lapha hirpmástuhtii fas ohcejohkalaččaid: Ohcejoga ruovttubuohcceviesso doaibma gaskkalduhtto miessemánu ja borgemánu áigái

Ohcejoga ruovttubuohcceviesso doaibma lea gaskkalduhtton 1.5.-31.8.2026 bargiidváilli geažil. Lappi buresveadjinguovllu guovllustivrra mearrádusa 25.5.2026 § 248 mielde Ohcejoga ruovttubuohcceviesso doaimmas buohccedivššu joavkkus leat golbma buohccedivššára doaimma, mat buot leat dál rabas. Buohccedivššárat doibmet Ohcejoga ruovttus dikšuma, ássanbálvalusain ja ruovttubuohcceviesus. Giđa 2026 áigge doaimmain leamašan bargit mearreáigásaš bargogaskavuođain, maŋimus mearreáigásaš bargogaskavuohta lea nohkan miessemánus.

Áššečilgehusas muitaluvvo, ahte gielalaš vuoigatvuođat dorvvastuvvojit ja Ohcejoga vuostáváldinbálvalusaid sámegielat buohccedivššára bálvalusaid sáhttá ávkkástallat akuhta áššiid dikšumis. Giddema ákkastallet rekryterenváttisvuođain.

Evttohusas ii váldojuvvo oaidnu dasa, makkár váikkuhusat dán giddemis leat Ohcejoga gieldda olbmuide, bartaeaiggádiidda dahje obanassiige ovttaveardásaš bálvalusaid ordnemii nu sáme- go suomagillii. Evttohusas vajálduvvá muitalit, ahte ovdamearkka dihte maiddái nu daddjon lohpebáikkit leat gitta, daningo buohccedivššárresursa ii leat. Dát dárkkuha sullii dan, ahte mieđuštandivššupasieanttaid, oanehisáiggi antibiohtadivššut mat biddjojit njuolga sutnii ja eará vástideaddji doaibmabijuid gártet dikšut Avvilis dahje eará Lappi dearvvasvuođaguovddážiin.

Gidden dárkkuha dan, ahte Ohcejoga gielddas ii leat oažžumis buohccedivššárdási dikšu eahkediid iige vahkkoloahpaid. Ná áibbas nuppe láhkai go dalle mii lohpiduvvui go ruovttubuohcceviesso doaibma álggahuvvui. Vuosttasdivššu resurssat leat rájálaččat ja vaikko man čábbát háliidivččiige jurddašit, de okta vuosttasdivššu ovttadat ii sáhte ovddasvástidit oppa gieldda dárbbuin. Erenoamážit dilis, mas leat mannamen geasi guvlui, goas gildii sávvat bures boahtima nu turisttaide go geasseássiide.

Ohcejoga gielda lea buktán iežas oaivila Ohcejoga dearvvasvuođaguovddáža bálvalusaid bisuheami ja Avvila birrajándor gohcin bálvalusa bealis miehtá áigge go buresveadjinguovlu lea doaibman.  Gielda lea sávvan, ahte buresveadjinguovlu ja gieldda gaskkas sáhtášii doallat rabas ságastallama sosiála- ja dearvvašvuođa áššiid birra. Ja fas mii leat dilis, ahte mii leat šaddan suorggahuvvot nalas buvssaid.

Rekryterenváttisvuođat muitalit juoga mas nu, man livččii buorre čielggadit. Leatgo rekryterenváttisvuođat čuvvon ovttasdoaibman-meannudan áiggi rekryterengildosis, vejolaš mearreáigásaš bargogaskavuođaid eahpesihkkarvuođas vai gii diehtá heajos bargoveahkaplánemis?  Rekryterenhástalusat sosiála- ja dearvvasvuođasuorggis ii iešalddes leat ođđa ášši, muhto jos rekryterenhástalusat leat dieđus, manne ii leat geahččaluvvon gávdnat čovdosiid, vaikko ovttasteamen dearvvasvuođa- ja boarrásiidbeali buohccedivššárresurssaid dahje dorvvasteamen rekryterenfitnodagaide.

Ohcejoga gielda lea cealkámušastis 22.9.2024 evttohan, ahte bálvalusat bissot maid boahttevuođas Ohcejogas lagasbálvalussan ja fállet gieldda ássiide sidjiide gullevaš sosiála- ja dearvvašvuođabálvalusaid vuhtii váldimen guovllu mihtilmasvuođaid.  Fuolla lea das, mo čakčat – joatkašuvvágo gielddus ja šaddágo gaskaboddasaš dilis bissovaš dilli?

Lappi buresveadjinguovllu višuvdna lea ” Sámis mii eallit buori ja dorvvolaš eallima. Mis olbmot ja bálvalusat deivet rivttes báikkiin rivttes áigái.”

Lassedieđut

Gielddahoavda Päivi Kontio
+358 40 744 7630
paivi.kontio@utsjoki.fi