”Ráhkistan duottarluonddu” - Pirjo Seurujärvi váibmu lea davvin

”Rakastan tunturiluontoa” - Pirjo Seurujärven sydän on pohjoisessa

Pirjo Seurujärvi álggaha borgemánu álggus Ohcejoga gieldda buresveadjinhoavdan. Son lea ovdal doibmen measta 30 jagi Meahciráđđehusas eará  njunušsaji- ja jođihanbargguin.

– Lean ássan Ohcejogas moaddelogi jagi, nu ahte dát guovlu ja olbmot leat ovddežis oahppá, dadjá Pirjo Seurujärvi. –Ásan bearrašiinnán Deanu dearpmi alde. Ráhkistan duottarluonddu ja davvi duovdda mearkkaša munnje hui olu.

Riegádan ja bajásšaddan davás

Pirjo lea eret Roavvenjárggas. – Áhči beale sohka lea Anára Bárttehis ja eatni beale sohka Ovnnesjohkaleagis. Oruimet guhkes áiggiid Anárjávrri gáttis ja davvi luonddus bođii lagaš jo  mánnávuođas. Mis lea ain soga báiki Bárttehis ja doppe fitnat dávjá.

– Stuđerejin Oulu universitehtas luonddudiehtagiid ja gárvvásmuvven filosofiija magisttarin 1990-logu álggogeahčen. Nuorravuođa luonddus buđaldeapmi ja patrullahoavdan doaibman váikkuhedje čielgasit mu ámmátválljemii. Logahaga maŋŋá dollen jagi gaskka, bargen beaiveruovttus ja guorahallen, livččiigo mánáidgárdeoahpaheaddji dahje oahpaheaddji ámmát mu bargu. Dalle luondu válddii vuoittu ja ohcen lohkat biologiija.

”Rakastan tunturiluontoa” - Pirjo Seurujärven sydän on pohjoisessa 1

Guhkes  bargohárjánupmi  Meahciráđđehusas

Pirjo lea eanáš bargan Meahciráđđehusas. – Álggahin barggu geassebargin, kártejin šattuid ja jagi 1995 rájes bargen fásta barggus, mas bargogohččosat molsašudde. Ohcalin oalle farga  hovdenbargguide ja bargen earet eará álbmotmeahccehoavdan nuppelohkái jagi. Mu ovddasvástádusas ledje ee. Urho Kekkosa ja Leammi álbmotmehciid ja Geavu luonddumeahci vánddardanbálvalusat ja maiddái  Siida luondduguovddáža doaibma.

– Maŋimuš Meahciráđđehusa luonddubálvalusaid organisašuvdnaođastus jagi molsagis nuppástuhtii iežan barggu nu, ahte mu ovddasvástádussii gulle luonddubálvalusaid soahpamušáššit, muhto barggu eatnandieđalaš guovllu ovddasvástádus viidánii oppa riikii. Dán nuppástusmuttus jurddašin, ahte sáhtášii leat heivvolaš áigi molsut  áibbas ođđa bargui– Go dihten áiggil, ahte buresveadjinhoavdda virgi boahtá ohcan láhkai, ledjen mearridan ahte ozan virgái.

Vuollegaš mielain ođđa bargui

– Lean doibmen aktiivvalaččat Ohcejoga gieldda čuvgehuslávdegottis, ja dan bokte lean beassan oahpásmuvvat čuvgehusdoaimma doaibmasuorgái. Iežan guhkes hárjánupmi jođihan- ja hovdenbargguin addá munnje mu jáhku mielde nana vuođu buresveadjinhoavdda barggu dikšumii. Dál vuorddánge iluin ođđa barggu, mas beassá bargat Ohcejoga ovdánahttima ovdii. Jáhkán, ahte mus lea bargui ollu addámuš, vaikko  ollu lea oahpahállamušge.

– Dásseárvu ja ovttaveardásašvuohta leat munnje dehalaš árvvut, deattuha Pirjo Seurujärvi. – Sámegiela ja -kultuvrra ovddideapmi lea dehalaš min gielddas. Háliidan iežan oasil leat nannemin Ohcejoga gieldda rolla sámegiela oahpaheamis, vai oččošeimmet riikkaviidosaččat doaibmi  gáiddusoahpahusfidnu bissovaš doaibman. Ieš lean stuđeren sámegiela rávesolmmožin.

”Rakastan tunturiluontoa” - Pirjo Seurujärven sydän on pohjoisessa 2

Áiggeájit luonddus

– Lean áibba ráhkistuvvan duottarlundui. Buoremus ášši lea min bearraša duottarstohpu, doppe beassá jođánit luovus bargoárggas, muitala Pirjo Seurujärvi. – Dálvit mii čuoigat, gielkkástállat ja guolástat. Bilkentuvrraid buoremus sálaš lea rávdu. Čakčat fitnat bivdimin čuovžžaid Anáris. Geassit vánddardat, guolástat ja murjet. Olgodaddama lassin duddjon ja guldalan jietnagirjjiid.

– Eallin lea buohkanassii buorre Ohcejogas ja dál lea fiinnis, ahte beasan bargui iežan ruovttugildii.

 

Ohcejoga gielda buvttada Ohcejohkalaččaid eallin -muitalusráiddu, mas vuodjut olbmuid jurdagiidda ja vásáhusaide eallimis Suoma ja Eurohpa uniovnna davimus gielddas. Almmustahttit ráiddu ođđajagimánu 2023 rájes. Gávnnat buot almmustuvvan osiid dáppe!


Eará ođđasat