Váldostivra nannii jagi 2024 boahto- ja giddodatvearroproseanttaid ja mearridii searvat Davvi- ja Nuorta-Lappi oktasaš barggolašvuođaguvlui
27.10.2023
Ohcejoga gieldda váldostivra čoahkkanii vuossárgga 23. beaivve golggotmánu.
Váldostivra gieđahalai earret eará Ohcejoga jagi 2024 boahto- ja giddodatvearroproseanttaid. Váldostivra nannii jagi 2024 boahtovearrun 8,4 proseantta gielddaráđđehusa evttohusa mielde. Jagi 2023 boahtovearru Ohcejogas lea 8,36 proseantta.
Lassin váldostivra mearridii jagi 2024 giddodatvearroproseanttaid:
- Oppalaš giddodatvearroproseanta 1,30
- Fásta ássanviesuid vearroproseanta 0,65
- Eará ássanviesuid vearroproseanta 1,60
- Huksekeahtes huksensaji vearroproseanta 2,00
- Eananasi giddodatvearroproseanta 1,30
Giddodatvearroproseanttat bissot ná seammán go vássán jagi, earret oppalaš giddodatvearru, mii juhkkojuvvo 1.1.2024 rájes oppalaš giddodatverrui ja ođđa eananasi giddodatverrui, man vuollerádji lea 1,30. Oppalaš giddodatvearru lea jagi 2023 Ohcejoga gielddas 1,25 proseantta.
Váldostivra mearridii maiddái, ahte Ohcejoga gielda searvá Davvi- ja Nuorta-Lappi oktasaš barggolašvuođaguovllu vuođđudeapmái. Dasa lassin váldostivra mearridii vuođđudit erenomášluohkáoahpaheaddji virggi.
Gielddahoavdda virggi deavdima váldostivra máhcahii ruovttoluotta gielddaráđđehusa válmmaštallamii.
ČOAHKKINBEAVDEGIRJI LOHKANLÁHKAI
Váldostivrra čoahkkima olles beavdegirjji sáhttá lohkat suomagillii dáppe ja jorgaleami maŋŋá sámegillii dáppe.
ČOAHKKIN GEAHČČANLÁHKAI
Váldostivrra čoahkkimat streamejuvvojit ja daid sáhttá geahččat sihke njuolggosáttan ja maŋŋelgihtii báddin Ohcejoga gieldda Youtube-kanálas. Sihke álgoálgosaš ja tulkojuvvon čoahkkinbáttit almmustahttojit kanálas editerema maŋŋá.