Ohcejoga gieldda olahahttivuođačilgehus
Dát olahahttivuođačilgehus guoská Ohcejoga gieldda neahttasiidduid www.utsjoki.fi.
Čilgehus lea dahkkojuvvon 8.9.2026.
Ohcejoga gielda figgá dáhkidit neahttabálvalusaidis olahahttivuođa lága digitála bálvalusaid fállamis (306/2019) mielde. Láhka vuođđuduvvá Eurohpa parlameantta ja ráđi olahahttivuođadirektiivii (EU) 2016/2102.
Ulbmilin lea, ahte neahttasiiddut leat nu olahahttit go vejolaš buot geavaheaddjiide fuolakeahttá sin doaibmanávccas, sin geavahan dihtorrusttegis dahje veahkeheaddji teknologiijas.
Olahahttivuođa dilli
Neahttasiiddut devdet olahahttivuođagáibádusaid eanaš osiin.
Neahttasiidduin leat ain muhtun váilevuođat olahahttivuođas. Ohcejoga gielda figgá divvut áicojuvvon váilevuođaid jođánamos lági mielde oassin neahttabálvalusa jotkkolaš ovddideami.
Ii-olahahtti sisdoallu
Vulobealde govviduvvon sisdoallu ii deavdde buot osiin olahahttivuođagáibádusaid.
Áššegirjjit
Neahttasiidduin almmustahtton PDF-fiillain ja eará áššegirjjiin sáhttet leat váilevuođat olahahttivuođas. Váilevuođat sáhttet leat ovdamearkka dihte áššegirjjiid ráhkadusas, bajilčálahierarkiijas, tabeallain, govaid teakstavástagiin, lohkanortnegis dahje áššegirjjiid teknihkalaš olahahttivuođas.
Erenomážit boarrásut beavdegirjjiin, áššelisttuin ja eará áššegirjjiin sáhttet leat váilevuođat olahahttivuođas.
Áššegirjjiid sadjái bohtet vejolašvuođaid mielde divvojuvvon olahahtti veršuvnnat. Jos olahahtti áššegirji ii leat fidnemis ja dan sisdoallu lea geavaheaddji dáfus dehálaš, geavaheaddji sáhttá bivdit sisdoalu olahahtti hámis.
Kárttat ja teknihkalaš tevnnegat
Kárttat, teknihkalaš tevnnegat ja eará seammasullasaš materiálat, mat almmustahttojit huksenbearráigeahču, lávvaplánema ja eará teknihkalaš bálvalusaid oktavuođas, eai buot osiin leat olahahtti hámis.
Kárttaid ja teknihkalaš tevnnegiid olahahttivuohta sáhttá leat rájálaš daid geavahanulbmila ja ovdanbuktinvuogi geažil. Jos kártta dahje tevnnega sisttisdoallan diehtu lea geavaheaddji dáfus dehálaš, geavaheaddji sáhttá bivdit dieđuid molssaevttolaš olahahtti hámis.
Google Maps -kártakomponeanta
Fitnodatregistara sajádatkárttain leat fuomášuvvon olahahttivuođaváillit, mat laktásit Google Maps -kártakomponentii. Váilevuođat gusket kártašlája válljenboaluid (Kárta/Satellihtta) sihke kártta siskkáldas iframe-elemeantta.
Sajádatdiehtu lea fidnemis maid teakstahámat čujuhussan. Johtolatrávvagiid oažžu “Katso reittiohjeet” -liŋkkas.
Videot ja vurkejuvvon materiálat
Neahttasiidduin sáhttet leat videot ja vurkejuvvon materiálat, maid tekstemiin, válddahallantulkomis dahje eará olahahttivuođaiešvuođain sáhttet leat váilevuođat.
Ohcejoga gielda figgá buoridit videoid ja vurkejuvvon materiálaid olahahttivuođa vejolašvuođaid mielde.
Goalmmát oassebeliid bálvalusat
Neahttasiidduin sáhttá geavahit goalmmát oassebeliid buvttadan bálvalusaid ja sisdoaluid. Dáid bálvalusaid olahahttivuohta sáhttá molsašuddat, iige Ohcejoga gielda sáhte buot osiin váikkuhit olggobeale bálvalusfálli ollašuhttin bálvalusa olahahttivuhtii.
Ohcejoga gielda geahččala goit vejolašvuođaid mielde geavahit olahahtti bálvalusaid ja váldit vuhtii olahahttivuođa ođđa digitála bálvalusaid háhkamis dahje atnui váldimis.
Olahahttivuođamáhcahaga addin
Fuomášitgo neahttasiidduin olahahttivuođačuolmma? Almmut das midjiide.
Sáhtát addit olahahttivuođamáhcahaga e-poasttain:
Ohcejoga gielda
E-poasta: kunnanvirasto@utsjoki.fi
Muital máhcahagas nu dárkilit go vejolaš:
- man neahttasiiddus dahje man bálvalusas čuolbma lea
- man doaimma isket geavahit
- makkár olahahttivuođačuolmmas lea gažaldat
- man dihtorrusttegis dahje veahkeheaddji teknologiijas čuolbma dihttui, jos dat lea du dieđus.
Olahahttivuođamáhcahagaid gieđahallamis vástida:
Ohcejoga gielda, diehtojuohkima koordináhtor Suvi Spoof ja hálddahusa koordináhtor Marja Länsman.
Mii geahččalat vástidit olahahttivuođamáhcahahkii 14 jándora siste.
Olahahttivuođabivdagat
Jos it bastte geavahit neahttasiidduid sisdoalu olahahttivuođaváilli geažil dahje dárbbašat neahttasiidduin almmustahtton sisdoalu olahahtti hámis, de váldde oktavuođa Ohcejoga gildii:
Mii geahččalat doaimmahit dieđu geavaheaddjái olahahtti hámis dahje eará heivvolaš vugiin, jos sisdoallu lea geavaheaddji ovdduid, vuoigatvuođaid dahje geatnegasvuođaid dáfus dehálaš.
Ollašuhttinmeannudeapmi
Jos fuomášat neahttasiidduin olahahttivuođačuolmmaid, atte vuos máhcahaga Ohcejoga gildii dan láhkai go ovddabealde lea govviduvvon.
Jos it leat duđavaš vástádussii dahje it oaččo vástádusa 14 jándora siste, sáhtát dahkat almmuhusa Johtolat- ja diehtojuohkindoaimmahat Traficomii.
Traficom neahttasiidduin leat rávvagat olahahttivuođaguoddaleami dahkamii ja ášši gieđahallamii.
Bearráigeahččoeiseváldi
Liikenne- ja viestintävirasto Traficom
Saavutettavuusvalvonta
PL 320
00059 TRAFICOM
Neahttasiiddut: www.saavutettavuusvaatimukset.fi
E-poasta: saavutettavuus@traficom.fi
Telefon: 029 534 5000
Čilgehusa gárvvisteapmi ja olahahttivuođa árvvoštallan
Dát olahahttivuođačilgehus lea gárvvistuvvon 8.9.2026.
Neahttasiidduid olahahttivuohta lea árvvoštallon eanaš osiin iešárvvoštallama mielde. Dasa lassin siidduid ovtta oassái lea Traficom dahkan olahahttivuođadárkkistusa (7.9.2026).
Árvvoštallamis lea ávkkástallon teknihkalaš testemiin, olahahttivuođa manuála árvvoštallamiin ja sisdoallobuvttadeaddjiid dahkan dárkkistusaiguin. Árvvoštallamis leat váldon vuhtii neahttasisdoalu olahahttivuođarávvagiid (WCAG) 2.1 A- ja AA-dási gáibádusat.
Olahahttivuođa čuvvot oassin neahttasiidduid jotkkolaš ovddideami sihke geavaheaddjimáhcahaga vuođul.
Čilgehusa sisdoallu ja neahttasiidduid olahahttivuođa dilli dárkkistuvvo jeavddalaččat ja uhcimustá oktii jagis.