Ohcejoga luossaguovddáža ovdačilgenprošeakta

Deanuleagi jagi 2017 luossabivdoráddjehusat ja jagi 2021 luossabivdogielddus leat dagahan Ohcejoga gieldda fáhkka ráhkadusnuppástusa dillái jagis 2021. Luossabivdu lea leamaš báikkálaš olbmuide dehalaš nu árbevierrun go ealáhussange. Luossaguovddáš mii lea hágus, bálvalivččii sihke árbevieruid ja ealáhusa. Luosaguovddáža bargun livččii vurket, ealáskahttit, bajásdoallat ja ovddidit luosa bivdoárbevieruid ja dan vuođul šaddi ođđa ealáhusaid. Dat bálvalivčče viidát árbedieđu hálddašeaddjiid ja báikkálašservoša, skuvllaid, turismma ja gielddarájáid rasttildeaddji ovttasbarggu. 

Luossaguovddáš doibmešii Deanu luossabivddu ja árbedieđu áššedovdi- ja ovttasbargoorganisašuvdnan sihke álbmotlaččat ja riikkaidgaskasaččat. Dan oktavuhtii lea ulbmil ohcat ovttasbargoguimmiid mat laktásit dutkan- ja innovašuvdnabargui. Guovddážis sáhtášedje leat maid eará guvlui dárbbašlaš iešguđet ealáhusaid doarju bálvalusat. 

Prošeavtta mihttomearrin  lea kártet ja čatnašuhttit daid čanusjoavkkuid maiguin plánet dárkilabbot Luossaguovddáža. Prošeakta čielggada maid luossaguovddáža ekonomalaš rápmaeavttuid sihke guovddáža konkrehtalaš saji dárbui laktáseaddji dahkkiid. 

Prošeavtta doaibmabijut  

• Čanusjoavkkuid meroštallan ja čatnašuhttin
• Boahtti doaimmaid meroštallan ja gaskaboddasaš sisdoalu plánen
• Sadjedárbokárten
• Molssaevttolaš organisašuvdnamálliid kárten
• Sajuštanbáiki ja areálageavaheami gáibidan doaibmabijut
• Huksenbušeahta ja bajásdoalu (giddodat ja bargoveahka) goasttádusaid meroštallan
• Huksema gaskaboddasaš plánen

Prošeavtta ruhtadeapmi ja ollašuhttináigi  

Prošeavtta bušeahtta lea 150 000 euro ja ruhtadeami lea juolludan Lapin liitto, AKKE. Prošeakta ollašuhttojuvvo áigemuttus 15.3.2023 – 31.5.2024. Prošeavttas bargá prošeaktahoavda ja prošeaktakoordináhtor.