Duodje- ja mátkeealáhusfitnodatdoaimma oktasaš vejolašvuođat -projeakta
Áigeguovdil
- Duodje- ja mátkeealáhusfitnodatdoaimma oktasaš vejolašvuođat -projeakta lágida Ohcejogas Buorre miela vahkku -dáhpáhusa 24.–28.5.2022! Buresboahtin buohkaide!
Vuođđodieđut
Duodje- ja mátkeealáhusfitnodatdoaimma oktasaš vejolašvuođat -projeavtta váldoulbmilin lea veahkehit Davimus Lappi ealáhusaid dahkat ja nannet gaskanas oktasašbargomálliid ja ođđalágan bálvalusaid sihke plánet daid doarju skuvlejumi.
Máŋggabealat bálvalusat ja ođđa dienasskáhpponmállet nannejit fitnodagaid gánnáheami ja stuorrunnávcca – sihke buoridit dáidduid ceavzit johtilis dillenuppástusaid dego jos pandemiijat bohtet.
Čuozáhatjovkui gullet mátkeealáhus- ja duodjefitnodatdoallit ja fitnodatdoallin áigu olbmot, skuvlenáššedovdit ja eará árbevirolaš ealáhusaiguin bargit ja dan suorggi oahppit.
Ollašuhttit: Sámi oahpahusguovddáš ja Ohcejoga gielda
Ollašuhttináigi: 15.5.2021–15.9.2022
Golloárvvoštallan: 85 190 €
Ruhtadeapmi: Lapin liitto juolludan Eurohpá guovloovddidanfoandda (EAKR) ja stáhta ruhtadeapmi (okt. 80%), Ohcejoga gielda ja Sámi oahpahusguovddáš
Doaibmabijut
Jearahallan/dárbogárten: Geassit 2021 gártejuvvojit árbevirolaš duoji buktagiid ja dárbašiid dárbu, atnu ja vuovdinvejolašvuođat mátkeealáhusbálvalusaid olis. Jearahallamiin čielggaduvvo lassin duodjetemáide gullevaš bálvalanbuktagiid fállu ja dárbu.
Bargopáhkka 1: Árbevirolaš duodjebuktagiid ja -dárbašiid vejolašvuođat mátkeealáhusbálvalusain
Duodjebájis, mii dollojuvvo Anáris čakčat 2021 gieđahallojuvvojit bohtosat sihke duojáriid, mátkeealáhusfitnodagaid ja skuvlema geahččanguovllus, vajálduhtekeahttá sámeduoji immateriálavuoigatvuođaid ja sámemátkeealáhusa etihkalaš rávvagiid.
Bargopáhkka 2: Ođđa bálvalanollisvuođaid, buktagahttinproseassa ja dinenmekanismmaid gárten ja piloteren mátkeealáhusas ja dujiin
Mo duodjefitnodatdoallit sáhtášedje dinet mátkeealáhusa bokte earásge go dušše ieš buktagis? Makkár ođđa bálvalanbuktagiin sáhtášedje ávkašuvvat sihke duodji, mátkeealáhus ja maid eará báikkálaš ealáhusat? Mo sáhtášii seammás addit rivttes dieđu sámekultuvrra birra? Áigemuddu álgodálvi 2021.
Bargopáhkka 3: Duodji ja dáidda buresveadjima ovddideaddjin (Ohcejoga dáiddavahkku)
Plánet ja ollašuhttit Ohcejoga dáiddavahku, mas ovttastuvvo duodji ja dáidda buresveadjima lasiheaddji ja mátkeealáhusa doarju dáhpáhussan. Dáhpáhusas sáhttit testet ovddit bargopáhkaid buvttan šaddama dahje bálvalusaid atnui hutkojuvvon ideaid. Áigemuddu álgojahki 2022, Dáiddavahku lágideapmi miessemánnu 2022.
Doaibmalinjá 1. Smávva- ja gaskastuorra fitnodagaid gilvonákca
Sierra ulbmil 2.1 Smávva- ja gaskastuorra fitnodagaid stuorruma ja álbmogiidgaskasažžan fitnašuvvama ovddideapmi
Bohtosat
Projeakta lea arvvosmahttán erenoamážit duodje- ja mátkeealáhusfitnodatdoalliid gaskaneaset geahččaladdat ja buvttadit ođđa bálvalanbuktagiid oktasašbarggus. Projeakta lea veahkehan ovddos ođđa dinenmálliid ovddideami. Sámekultuvrra sierraluonddu ja -iešvuođaid dovdan ja daid vuhtii váldin nu skuvlemis go ealáhusdoaimmas lea buorránan ja ođđa bálvalanollisvuođat áo. surggiide leat šaddan.
Surggiid árbevieruid doalaheaddji sihke nuppástuvvan ja nuppástuvvi dárbbuide figgi skuvlen lea dárkkálmuvvan ja ovdánan njuovžilit vástidit ealáhusdoaimma dárbbuide.
Ohcejoga dáiddavahkku -dáhpáhuskonseapta lea vuođđuduvvon.
Laktáseapmi eará projeavttaide
- Vásttolaš mátkeealáhus Ohcejogas -projeakta
- Ohcejoga mátkeealáhusa eanageavahanplána -projeakta
- Ohcejoga ealáhusaid ovddidanprojeakta
- Ohcejoga čoahkkebáikki lagasvirkkosmahttinguovlluid ovddidanprojeakta
- Bargoburesveadjin Sámeguovllus -projeakta
- Sámedikki vásttolaš sámemátkeealáhusa projeavttat
- Lappi universitehta Lapista käsin -projeakta
Oktavuođadieđut
Projeaktajođiheaddji Virpi Jääskö
Sámi oahpahusguovddáš
+358 50 473 8761
virpi.jaasko@sogsakk.fi
Mátkeealáhusáššedovdi Johanna Mikkola
Ohcejoga gielda
+358 400 151 294
johanna.mikkola@utsjoki.fi