Ohcejoga guovddáščoahkkebáikki lagašvirkkosmanguovlluid ovddidanprojeakta

Ohcejohka lea Suoma davimus gielda, man guovddáščoahkkebáiki lea čáppa duottarleagis Deatnogáttis. Biras meahcceviidodagain gávdnojit mearihis mearri goasii guoskameahttun meahccejohtin- ja vájuldaneatnamat. Čoahkkebáikki lahkosis gávdnojit maiddái eatnamii merkejuvvon máŋga lustajohtingeinnodaga, mat leat goittotge eatnamiid beales hástaleaddjit.

Guovllus lea nappo dárbu vuollegis šielmmá luonddučuozáhagaide, mat sáhttet lasihit sihke báikkálaš ássiid ja turisttaid olgun lihkadeami vejolašvuođaid lagasmeahcis. Ohcejoga guovddáščoahkkebáikki lagašvirkkosmanguovlluid ovddidanprojeakta viggá vástidit dán dárbui.

Guovddáščoahkkebáikkis Ohcejohka luoitá Detnui, dahkamiin fiinna oainnusollislašvuođa johkalegiin váriide ja Norgga beallái. Projeakta ovddida dán guvlui viiddis geavaheaddjejoavkku bálvaleaddji lagašlihkadan- ja virkkosmanguovllu. Ovttas guovllu váddásamos geinnodagaiguin ođđa olgun lihkadanguovlu dahká máŋggabeallásaš gova guovllu luonddus.

Projeavtta ulbmilat

Projeavttas leat golbma váldoulbmila, maid dárkkuhussan lea lasihit Ohcejoga guovddáščoahkkebáikki lagašvirkkosmanviidodagaid geasuhannávcca ja ovddidit olgun lihkadeami vejolašvuođaid lagasluonddus buot ahkásaččaide.

1. Gieddemielli ala ceggejuvvo P-báikki oktavuhtii easttahis várdánsadji, mas leahkkasa viiddis oainnus Deatnoleahkái.
2. Duolbadasa oktavuhtii ráhkaduvvojit geasi áigái vuollegis ráhpaiguin sihke dorjenmuorain ráhpat, mat addet vejolašvuođa dorvvolaš njiedjamii Deatnogáddái. Ráhpat heivejit maiddái iežas áhpásmahttimii buot ahkejoavkkuide. Dálvái ráhpat ráddjojit eret ja giđđat jiekŋamannama maŋŋá fas ceggejuvvojit ođđasis.
3. Projeakta pláne ja ráhkada sullii ovtta kilomehtera guhku luonddubálgá. Geinnodat ollá gieddemielli guovllus Nuorgamintie vuoli mannan tunealla ávkin atnimiin Ohcejoga dearpmi ala ja joga čuovvumiin ruovttoluotta Nuorgamintie ala. Vázzimiin geahppajohtolatluotta mielde ruovttoluotta Gieddemielli ala geinnodagas šaddá sullii 1,7 kilomehtera guhkkosaš riekkesgeinnodat. Bálggesgurrii biddjojit virggálaš dolastaddansadji, moadde vuoiŋŋastanreŋkko sihke oahpistantávvalat. Bálggis ii leat easttahis, muhto eatnamat leat eanaš álkit johtit. Ná bálggis čohkke birrasis ruossut doarrás rasttildeaddji bálgáid oktan čielga johtingeinnodahkan, geahpedemiin dán láhkai biraseatnamiid gollama. Guovddáš saji beales geinnodat lea álkidit olaheamis sihke vácci ja sihkkelastimiin.

Go áigumuša ulbmilat gárvvásmit, de guovddáščoahkkebáikki lagašlihkadanvejolašvuođat šaddet máŋggabeallásaččabun eandalii mánnábearrašiidda ja eallilan olbmuide. Čielga, álkidit olaheamis leahkki čuozáhagat lasihit maiddái guovllu geasuhannávcca turisttaid gaskkas. Gieddemielli ala ceggejuvvo dasa lassin stuorát infotávval, mas muitaluvvo lagasguovllu váddásut geinnodagain.

Projeavtta ruhtadeapmi, vástu ja ollašuhttináigi

Ohcejoga guovddáščoahkkebáikki lagašvirkkosmanguovlluid ovddidanáigumuša ollesbudjeahtta lea 63 055 euro.

Projeavtta ruhtadit Uudenmaan ELY-keskus 31 527,50 euroin (stáhta bušeahta momeanttain 420351061 Čáziid- ja birasdikšuma ovddideapmi, 38057670 Lagasvirkkosman-viidodagat), Meahciráđđehusa Luontopalvelut 10 000 euroin ja Ohcejoga gielda 21 527,50 euroin.

Projeavtta ohcci ja ollašuhtti lea Ohcejoga gielda. Gielda vástida projeavtta hálddašeamis ja ollašuvvamis áigetávvalis. Projeavtta geavatlaš ollašuhttimis vástida projeaktahoavda. Áigumuš ollašuhttojuvvo 30.11.2020–31.12.2021.

Lassidieđut:

Projeaktahoavda Sebastian Aarnio

tel. 040 485 8070

sebastian.aarnio@utsjoki.fi