Boarrásiid ja doaibmahehttejuvvon olbmuid bálvalusat

Boarrásiidbálvalusat fállet doarjaga eallilanolbmuide dearvvasvuođabálvalusain nugo ruoktobuohccidikšumis sihke muito- ja seniorarávvehatáššiin. Lápmásiidbálvalusat veahkehit lámisolbmuid buorredili ja dearvvasvuođa ovddideamis.

Oktavuođadieđut

Rabasbálvalusa jođiheaddji
Taina Jylhä
tel. 040 843 6216
taina.jylha@utsjoki.fi

Gáregasnjárgga dearvvasvuođadivššár
Indira Niittyvuopio
t. 040 758 2076
indira.niittyvuopio@utsjoki.fi

Ohcejoga ja Njuorggáma dearvvasvuođadivššár
Dearvvasvuođadivššár
t. 040 758 2073
Telefonáigi árgabeivviid dmu 8:00 – 9:00.

Sámegielat dearvvasvuođadivššár:
Elle Aikio: áiggivárremat dearvvasvuođadivššára nummiris 040 758 2073 dahje 0407582076.

Ohcejoga ja Gáregasnjárgga ruoktobuohccedivššár
Ruoktobuohccedivššár – muitodivššár Sari Tapiola
t. 040 661 9522
sari.tapiola@utsjoki.fi
Telefonáigi dmu 8:00 – 9:00.

 

Rabasbálvalanguovddášgievkkan
t. 040 181 0270

Ohcejohnjálmmi vuođđoskuvlla juohkingievkkan
t. 040 181 0256

Ahkeolbmoit dearvvasvuođabálvalusat

Ruoktobuohccedikšun

Ruoktobuohccedikšun lea doaktára mearridan buohccedikšun, mii dáhpáhuvvá ruovttus. Dat lea oaivvilduvvon olbmuide, geat buozalmasaset dahje doaibmanávccaset hedjoneami geažil eai sáhte geavahit eará rabasdearvvasvuođa- ja buohccedivššu bálvalusaid. Ruoktobuohccedivššára fitnamat áššehasa luhtte vuođđuduvvet dikšunplánii ja dat sisttisdollet eanaš háviid dikšumiid, dálkkasdivššu ollašuhttima ja čuovvuma, bákčasa dikšuma ja mieđuštandikšuma. Ruoktobuohccedikšun lea mávssuvuloš ja vuođđuduvvá dearvvasvuođafuolahusa áššehasmáksoláhkii. Áššehasa oppalašdilli ja bálvalusdárbu guorahallo dárbbu mielde rabasbálvalusa jođiheaddji ja ruoktobuohccedivššára oktasaš ruoktofitnama oktavuođas.

Muitorávvehat

Muitorávvehaga ulbmilin lea áicat ja gávnnahit muitobuozalmasaid juo álgomuttus sihke lágidit áššehasa divššu ja doarjaga biirii, nannet áššehasa doaibmanávcca ja iehčanas ceavzima, addit áššehassii ja su lagaš olbmuide dieđu muitobuozalmasain ja daid divššus sierra muttuin.

Ohcejoga gielda oastá geriátra gáiddusvuostáváldima oastobálvalussan priváhta bálvalusbuvttadeaddjis. Ruoktobuohccedivššár, gean eatnigiella lea davvisámegiella, doaibmá muitodivššárin oppa gielddas ja sus lea muitodivššára skuvlejupmi. Muitorávvehatdoaibma ollašuhtto ruoktofitnamiiguin ja vuostáváldimis.

Seniorarávvehat

Buot gielddas ássi 75-jahkásaččaide fállojuvvo nuvttá eaktodáhtolaš eallilan olbmuid dearvvasvuođadárkkisteapmi. Seniorarávvehaga ulbmilin lea eallilan olbmuid dearvvasvuođa ovddideapmi, doaibmanávcca bisuheapmi sihke buozalmasaid ovddalgihtii eastadeapmi dearvvasvuođadili individuála čuovvunvugiid ja rávvema vehkiin. Ulbmilin lea oažžut Ohcejoga gieldda eallilan olbmuid nu árrat go vejolaš geriátralaš ja doaibmanávcca doarju bálvalusaid biirii. Dearvvasvuođadárkkistussii ožžot bovdehusa álo vássi jagis 75 jagi deavdi gieldda olbmot, geat eai leat vel jeavddalaš bálvalusaid biires. Ohcejogas seniorarávvehatdoaimma ollašuhttet buot dearvvasvuođadivššárat.

SOAHTEVETERÁNAID VEAJUIDUHTTIN

Ohcejoga gielda ordne ohcejohkalaš soahteveteránaide veajuiduhttima valtiokonttori jahkásaččat čujuhan mearreruđaid mielde. Ohcanskoviid oažžu dearvvasvuođaguovddážis, gielddadálus ja dáppe (pdf)

Ruokto- ja doarjjabálvalusat

Ruoktobálvalusat gullet dábálaš sosiálabálvalusaide. Ruoktobálvalusa mihttomearrin lea dahkat vejolažžan ruovttus orruma ja eallima. Bargguin doarjut guđege áššehasa dábálaš ja beaivválaš eallinvuogi. Ruoktobálvalusaid vehkiin ulbmil lea maiddái buoridit bearrašiid ja oktonas olbmuid nu fysihkalaš, psykihkalaš go sosiálalašge eallima dási. Ruoktobálvalus lea oaivvilduvvon buot ahkejoavkkuide ja álbmotosiide. Opmodat ii váikkut bálvalusa oažžumii. Ruoktobálvalusat addojit veahki dárbbu vuođul.

Diŋgomat ja lassidieđut ruoktobálvalusas rabasbálvalusa jođiheaddjis Tel. 040 843 6216.

Ruoktobálvalusa bargoveahka
Girkosiidda guovllu lagašdikšut:

  • 4 lagašdikšu

Gáregasnjárgga guovllu lagašdikšu:

  • 1 lagašdikšu

Dan lassin sámegielat sosiálabálvalusaid dorvvasteami dihtii lea bálkáhuvvon:

  • Veahkke-ásllat Ohcejoga ja Njuorggáma guovlu
  • Veahkke-ásllat Gáregasnjárgga guovlu
  • Divššodanbargi
  • Doaimmaid jođiheaddji

Ruoktobálvalusas berrojuvvon mávssut 2020

Bistevaččat ja jeavddalaččat addon sosiálafuolahusláhkaásahusa 9 paragráfa 1 momeanttas oaivvilduvvon ruoktobálvalusas ja ruoktobuohccedivššus máksu mearrašuvvá bálvalusa kvalitehta, meari ja bálvalusgeavaheaddji  máksinnávcca ja bearraša sturrodaga mielde (Láhkaásahus sosiála- ja dearvvasvuođafuolahusa áššehasmávssuin)

Gaskaboddasaš ruoktobálvalusas berrojuvvon mávssut 1.1.2020 rájes:

  • Gaskaboddasaš ruoktobálvalus,  8 €/ diibmu
  • Divššodanbargi ruovttusfitnan 2 €/ diibmu
  • Veahkke-Ásllat ruovttusfitnan 2 €/diibmu

 

Borramušbálvalus

Boradan vejolašvuohta ruovttu olggobealde lea Ohcejoga rabasbálvalanguovddážis.

Ruoktut fievrriduvvon borramušat doaimmahuvvojit Ohcejoga girkosiidda guvlui Rabasbálvalanguovddáža gievkkanis. Njuorggáma ja Gáregasnjárgga guovlluin borramušat doaimmahuvvojit vejolašvuođaid mielde skuvllain. Borramušain ja fievrrideamis berrojuvvo áššehasmáksu.

Hattit 2020:

  • Iđitbiebmu 2,80 €/ mális
  • Beaivemális (ealáhatolmmoš) 5,30 €/mális
  • Páhkkejuvvon beaivemális (ealáhatolmmoš) 5,80 €/mális
  • Eahketbeaimállásat (ealáhatolmmoš) 4,50 €/mális
  • Eahketbiebmu 1,65 €/mális
  • Beaivekáffe 1,50€
  • Guossemális 9,80 €/mális
  • Oppa beaivvi mállásat (Seitakartano ja Dorvvu ássit) 13,10 €/mális

Borramušfievrrideapmi (lagašdikšu fievrrida) 4 €/ geardi (dahje linjabiilatávstta mielde, eaktuda soahpamuša)

Bivttasfuolahus (bassaladdanbálvalus)

Jos boarrásis dahje doaibmahehttejuvvon olbmos ii leat ruovttus bassaladdanvejolašvuohta, bassaladdanbálvalus lea oažžumis Ohcejoga rabasbálvalanguovddážis.

Áššehasmáksun berrojuvvo 4 €/ unna mášen doarvi ja 8€/ stuorra mášen doarvi.

Mávssut mat berrojuvvojit biktasiid fievrrideamis:

  • Lagašdikšu fievrrida bargomátki oktavuođas 4 €
  • Fievrrideapmi linjabiillas, máksu linjabiilatávstta mielde

Bassaladdan Aspa-dálu ássiide 2 €/mášen doarvi

Ruovttučorgenbálvalus  oastinbálvalussan

JOVNNAS

Čorgenbálvalusat ee. ruovttučorgen, barttačorgen sihke fárren- ja divvunbarggučorgen. Lanjadagaid ja fievrruid otsoneren. Dan lassin vánddardeaddjiide fievrruid sirdinbálvalus sihke málesbálvalus.

Jouni Sibakow

t. 0469021856

email: info(a)jovnnas.fi

www.jovnnas.fi

Ohcejohnjálmmi gilisearvi ro:s sáhttá diŋgot veahki ruovttubargguide (ee. čorgenbálvalusa ruoktut),

Lassidieđut ja diŋgomat tel. 040 822 8889.

Lávgguheapmi

Lávgguheapmái ja sávdnái lea vejolaš Ohcejoga rabasbálvalanguovddážis 5 €/geardi

Sávdni Aspa-dálus 3 €/geardi

Dorvobálvalusmáksu /Dorvotelefovdna
Berrojuvvo Seitakartano, ASPA-dálu ássiin sihke ruovttus orru boarrásiin 17 €/mb

Sáhttobálvalus
Áššehassii dahkko persovnnalaš mearrádus daid mearreruđaid olis mat leat geavahusas. Áššehas ieš diŋgo sáhtu. Bálvalusas berrojuvvo linjabiilla távstta mieldásaš iežasvástuoassi.
Lassidieđuid doarjjabálvalusain rabasbálvalusa jođiheaddjis Tel. 040 843 6216.

Oapmahašdikšundoarjja

Oapmahašdikšundoarjaga ulbmilin lea dahkat vejolažžan áššehassii heivvolaš ruoktodivššu oktan doarju vuođđo- ja sierrabálvalusaiguin. Bálvalus ja dikšunbálká oktii heivehuvvo.

Oapmahašdivššu doarjagis ráhkaduvvo dikšára ja gieldda gaskasaš soahpamuš, man čuovusin lea álo dikšun- ja bálvalanplána. Oapmahašdivššu doarjagis soahpamuša dahkan ii leat bargosoahpamušlága (320/70) oaivvildan bargogaskavuođas soahpamuša dahkan gildii, divššuoažžu olbmui dahje divššuoažžu fuolaheaddjái.

Bálká mákso cehkiid mielde divššu čadnivuođa ja gáibádusdási vuođul. Dikšunbálkká sáhttá soahpat maiddái ásahuvvon unnimusmeari uhcibun.

Oapmahašdivššu doarjjasoahpamušat dahkkojit daid mearreruđaid olis mat leat geavahusas. Mearreruđa mearri ii sáhte mannat badjel almmá váldostivrra mearrádusa.

Oapmahašdikšundoarjjaohcamušaid fidne rabasbálvalusa jođiheaddjis dahje sosiála- ja dearvvasvuođadoaimmahagas.

Lassidieđuid addá:

Rabasbálvalusa jođiheaddji tel. 040 8436 216 dahje

Sosiála- ja dearvvasvuođadoaimmahat tel. 040 181 0269.

 

Oapmahašdivššu doarjaga dikšunbálkkát jagis 2020

Ohcejoga Vuođđodorvolávdegoddi lea dohkkehan oapmahašdivššu doarjjan máksojuvvon dikšunbálkkáid jagis 2020 ná:

  • 1 joavku 816,18 € (Divššolaččat lossa sirdinmuttu áigge máksojuvvon uhcimus bálká)

Jos dikšu lea eastašuvvan bargat dienasbarggu  divššolaččat lossa sirdinmuttu áigge.

  • 2 joavku 667,60€ (ollu divššu ja fuolahusa dárbbašeaddji áššehasat)

Dikšundárbu lea seamma dásis go  guhkeáigásaš lágádusdivššus. Jos áššehas oažžu valjis gieldda dikšun- ja rabasbálvalusaid (njealje geardde dahje eanet vahkus), oapmahašdikšundoarjja mákso 3 joavkku dikšunbálkká mielde.

  • 3 joavku 509,34€ (viehka ollu divššu ja fuolahusa dárbbašeaddji áššehasat)

Áššehas dárbbaša veahki persovnnalaš, beaivválaš doaimmain, muhto birge muhtumassii iehčanassii.

  • 4 joavku 408,09€ (muhtun áššiin divššu ja fuolahusa dárbbašeaddji áššehasat, sosiála- ja dearvvasvuođaministeriija jahkásaččat nannen unnimus dikšundoarjja).

Áššehas dárbbaša muhtun áššiin divššu ja fuolahusa.

 

Oapmahašdivššu doarjjasoahpamušat dahkkojit daid mearreruđaid olis mat leat geavahusas. Mearreruđa mearri ii sáhte mannat badjel almmá váldostivrra mearrádusa.

BorramušbálvalusaT

Ohcejoga rabasbálvalusgievkkan

Sosiála- ja dearvvasvuođadoaimma vuollásaš ovttadat, gos borramuš vuojihuvvo Ohcejohnjálmmi vuođđoskuvlii, sámelogahahkii, suomagielat beaiveruktui, sámegielat beaiveruktui ja boarrásiidda ruoktut. Borramušbálvalus doaimmaha maiddái mállásiid seaŋgaossodahkii, Seitakartano ja Aspa-dálu ássiide, sihke eará ealáhat olbmuide ja bargovehkii. Mis sáhttá diŋgot ovddastus- ja čoahkkinfálademiid.

 

Boradanáiggit

  • Iđitbiebmu diibmu 8
  • Beaivemális diibmu 11–12:30
  • Káffe diibmu 14
  • Eahketbeaimális diibmu 16

 

Oktavuođadieđut

Rabasbálvalanguovddášgievkkan

040 181 0270

Ohcejohnjálmmi vuođđoskuvlla juohkingievkkan

040 181 0256

Borramušbálvalusa bargun lea doarjut sierra hálddahusgottiid váimmusbarggu lihkostuvvama buvttademiin borramušbálvalusaid  skuvla- ja vuođđodorvodoibmii.

Borramušbálvalusa ulbmilin ja vuolggasadjin lea buvttadit áššehasaide eallingearddi iešguđege muttus  mállásiid, mat čuvvot biebmanávžžuhusaid ja váldet vuhtii báikkálaš kultuvrra.

Doaibmahehttejuvvon olbmuid bálvalusaT

Doaibmahehttejuvvon olbmuid bálvalusaid mihttomearrin lea dáhkidit doaibmahehttejuvvon olbmuide seamma bálvalusaid go eará gieldda olbmuide.  Dábálaš sosiálabálvalusaid lassin doaibmahehttejuvvon olmmoš sáhttá dárbbašit sierrabálvalusaid omd. vistti nuppástusbargguid dahkamii ja vistti rustema dárbbašlaš veahkkebiergasiin. Lossadit doaibmahehttejuvvon olmmoš sáhttá ohcat sosiáladoaimmas doarjaga veahkkebiergasiid várás.

Čálgováttolaččaid bálvalusat

Čálgováttolaččat geavahit sin dárbbašan bálvalussan ovdasajis buohkaide oaivvilduvvon bálvalusaid ja jos dat eai leat doarvái, dan maŋŋá čálgováttolaččaid sierrabálvalusaid.

Čálgováttolačča bearaš oažžu bagadeami ja rávvema sihke mánát ožžot veajuiduhttima ráhkaduvvon bálvalanplána mielde. Lossadit čálgováttolaš olbmo dikšárii sáhttá mieđihit oapmahašdikšundoarjaga.

Lassidieđuid rabasbálvalusa jođiheaddji tel . 040 8436 216.

Beavttálmahtton bálvalusássan Dorvu

Beavttálmahtton bálvalusássan lea sosiálafuolahuslágas oaivvilduvvon birrajándor divššodeapmi ja fuolahus ruovttulágan ovttadagas. Beavttálmahttojuvvon bálvalusássamis áššehas orru ja máksá láiggu iežas visttis, gosa son oažžu divššu birrajándora. Beavttálmahtton bálvalusássan lea oaivvilduvvon muitobuohcci eallilan olbmuide. Rabas- dahje náittosguimmiide ordnejuvvo vejolašvuođaid mielde ovttas orrun.

Mihttomearrin lea eallilan olbmo orrun seamma birrajándorovttadagas eallimasas lohppii.

Ohcamuša beavttálmahtton bálvalusássamii sáhttá dahkat rabasbálvalusjođiheaddjái. Ohcejoga gielddas ássiválljemat plánejuvvojit SAS-bargojoavkkus, mearrádusa bálvalusain dahká rabasbálvalusjođiheaddji.

Lassidieđut rabasbálvalusjođiheaddjis tel. 040 8436216.