OHCEJOGA RÁVESOLBMUIDSKUVLA DIEĐIHA

Giđđalohkanbadji álgá 15.1.2024 ja nohká 15.5.2024

Čuoiganluopmovahku 10 nappo 4.–10.3.2024 ii leat oahpahus.

Almmuheamit gurssaide ja lassedieđut leat Ohcejoga gieldda neahttasiidduin: https://www.utsjoki.fi/kuntalaiselle/opetus/kansalaisopisto. Rávesolbmuidskuvlla siidduin gávdno maid liŋka Hellewii. Gurssaide almmuheapmi álgá 8.1.2024 dii. 09:00. Almmuhit sáhttá maiddái telefovnna bokte 8.1.2024 diibmu 09-11, ja maid maŋŋelis juos gurssas lea sadji. Gursamávssuin sáddejuvvo rehket oassálastima mielde, vuosttas oassálastingeardi lea nuvttá oahpásmuvvan. Oahppogirjjiid ja eará gursamateriála studeanttat skáhppojit ja mákset ieža. Gurssat lágiduvvojit, juos gursii almmuhit unnimustá 3 oasseváldi.

Gursafálaldat dievasmahtto giđa áigge earret eará čáhcelášmmohallangurssaiguin, nu ahte muitte čuovvut rávesolbmuidskuvlla neahttasiidduid. Almmuheapmi čáhcelášmmohallangurssaide álgá 18.1.2024 dii. 09:00.

O H C E J O H K A

Ukulele ja gitárra álgooahput (16 diimmu) Ohcejohnjálmmi máŋggadoaimmadálu musihkkaluohkás vuossárggaid dii. 17:00–17:45, álgá 15.1.2024. Oahpaheaddjin Jenni Lind. Gursamáksu 15 €, ealáhatolbmot ja studeanttat 10 €.

Goarra (32 diimmu) Ohcejohnjálmmi máŋggadoaimmadálus vuossárggaid dii. 18:00–19:30, álgá 15.1.2024. Jođiheaddjin Jenni Lind. Gursamáksu 30 €, ealáhatolbmot ja studeanttat 15 €.

Ovttas čuojaheapmi (32 diimmu) Ohcejohnjálmmi máŋggadoaimmadálus gaskavahkuid dii. 18:00–19:30, álgá 17.1.2024. Jođiheaddjin Jenni Lind. Gursamáksu 30 €, studeanttat 15 €.

Suohtas-teáhter (45 diimmu) Olggosbuktinmáhtus ja teáhteris beroštuvvan olbmuide Ohcejoga astuáiggeguovddážis duorastagaid dii. 18:00–20:15, álgá 18.1.2024. Oahpaheaddjin Virva Guttorm. Gursamáksu 40 €, ealáhatolbmot ja studeanttat 20 €.

Martti lášmmohallan (30 diimmu) Ohcejoga astuáiggeguovddážis sotnabeivviid dii. 10:30-12:00, álgá 21.1.2024. Bagadallin Martti Kyrö. Gursamáksu 25 €, ealáhatolbmot ja studeanttat 12,50 €.

Joga (20 diimmu) Ohcejohnjálmmi máŋggadoaimmadálus sotnabeivviid dii. 17:00–18:00, álgá 21.1.2024. Oahpaheaddjin Siw Westerback. Gursamáksu 25 €, studeanttat 12,50 €. Almmuheapmi álgá 10.1.2024.

G Á R E G A S N J Á R G A

Martti lášmmohallan (62 diimmu) Gáregasnjárgga valáštallansáles duorastagaid dii. 20:30-22:00 ja sotnabeivviid dii. 19:00-20:30, álgá 18.1.2024. Bagadallin Martti Kyrö. Gursamáksu 40 €, ealáhatolbmot ja studeanttat 20 €.

Jooga Gáregasnjárggas (39 diimmu) Gáregasnjárgga valáštallansáles vuossárggaid dii. 17:30-19:00, álggahuvvo maŋŋelis almmuhuvvon áigge. Bagadallin Fanny Vakkila. Gursamáksu 25 €, ealáhatolbmot ja studeanttat 12,50 €.

Suvi gorutdikšunlášmmohallan (32 diimmu) Gáregasnjárgga valáštallansáles maŋŋebárggaid dii. 18:30-20:00, álgá 16.1.2024. Bagadallin Suvi Somby-Rasmus. Gursamáksu 30 €, ealáhatolbmot ja studeanttat 15 €.

Gáregasnjárgga giehtaduodjeriekkis (36 diimmu) joatkašuvvá Gáregasnjárgga boares skuvllas duorastagaid dii. 18:00-19:30, álgá 18.1.2024. Bagadallin Irma Rouhiainen-Marila. Gursamáksu 30 €, ealáhatolbmot ja studeanttat 15 €.

NJUORGGÁN

Digirávven (28 d) Njuorggáma skuvllas bearjadagaid 16.15–17.45, álgá 19.1.2024. Oahpaheaddjin Heikki Huurinainen. Gursamáksu 25 €, studeanttat 12,50 €.