Gielddaráđđehus čoahkkana vuossárgga 4.3. válljet buresveadjinhoavdda virgái ohcan olbmuid jearahallamii
27.2.2024
Ohcejoga gielddaráđđehus čoahkkana vuossárgga njukčamánu 4. beaivve válljet buresveadjinhoavdda virgái ohcan olbmuid jearahallamii. Virggi ohcanáigi nohká 1.3. Ohcejohkii ohcet ođđa buresveadjinhoavdda, dasgo ovdalis virggis doaibman Päivi Kontio sirdásii ođđajagimánus Ohcejoga gielddahoavdan.
Mearrideami vuolde lea maid Ohcejohnjálmmi boares skuvlaguovddáža máttageaži viesu vuovdin. Gielddaráđđehusa nammadan giddodatbargojoavku lea dahkan dárkkistemiid guorusin báhcán skuvlaviesuin ja lea oahpásmuvvan ortnetárvvoštallanraporttaide. Viesu vuovdima evttohit nu mo olggobeale giddodatgaskkusteaddji gárvvistan raporttas čuožžu.
OAHPÁSMUVA EVTTOHUSLISTUI
Sáhtát oahpásmuvvat čoahkkima evttohuslistui dás. Čoahkkinbeavdegirji almmustahtto dárkkisteami maŋŋá min neahttasiidduin.