Lappi sosiálagohcin gohcá cuoŋománu álggu rájes Roavenjárggas 24/7
28.3.2024
Oktavuođaváldimat, mat bohtet sosiálagohcimiidda Lappi guovllus, guovdilastojuvvojit Roavenjárgii cuoŋománu álggus. Sosiálagohcimii oaččut oktavuođa birra jándora nummiris 040 7266 965. Virgeáigge diibmu 8-17 lea anus ruovttoluottariŋgenvuogádat. Hohpolaš diliin riŋge heahtenummirii 112.
Oktavuođaváldimat, mat bohtet sosiálagohcimiidda Lappi guovllus, guovdilastojuvvojit Roavenjárgii 1.4.2024 rájes. Riŋgejumit ja heahteguovddášbarggut, mat gusket sosiálagohcima, mannet Roavenjárgga sosiálagohcimii.
Sosiálagohcimii oaččut oktavuođa birra jándora nummiris 040 7266 965. Virgeáigge diibmu 8-17 lea anus ruovttoluottariŋgenvuogádat. Sáhtát vuorddašit linnjás dahje guođđit ruovttoluottariŋgenbivdaga, de dutnje riŋgejuvvo ruovttoluotta nu johtilit go vejolaš.
Hohpolaš diliin riŋge heahtenummirii 112.
Sosiálagohcin bálvala buotahkásaččaid
Roavenjárgga sosiálagohccit vuostáváldet bargguid, árvvoštallet daid hohpolašvuođa ja dikšot barggu vejolašvuođaid mielde ja sirdet áššehasdieđuid ruovttubáikegotti sosiáladoibmii. Jos bargu gáibida, ahte dan ferte bargat báikki alde, dalle bargu sirdojuvvo Lappi buresveadjinguovllu guoskevaš guovllu sosiálafuolahusa ámmátolbmo bargun.
Sosiálagohcin lágiduvvo hohpolaš ja vealtameahttumis veahki dorvvasteapmái buotahkásaččaide. Sosiálagohcima bargguide gullet dilit, mat gáibidit sosiálaeiseválddis jođánis doaibmabijuid. Dákkárat leat ovdamearkka dihte fuolla vuolleahkásaš máná dilis dahje dorvvolašvuođas, bearašveahkaváldi dahje fuolla vuorasolbmo ruovttus birgemis.
Sosiálagohcinbálvalusat gullet olbmuide, geat ásset ja orodit Lappi gielddain
Sosiálagohcin addá akuhta kriisaveahki fáhkka kriisadiliin dego ovdamearkka dihte lagas olbmo fáhkka jápmin, veahkaválddidilit, duođalaš roasmmehuvvan dahje buohccán dahje buollin.
Sosiála- ja kriisagohcinbálvalusat gullet buohkaide, geat ásset Lappi gielddain dahje orodit guovllus, ja dárbbašit hohpolaš ja vealtameahttumis sosiálabálvalusaid dahje akuhtta kriisaveahki.
Sosiálagohcin bálvala Durdnosa, Giema, Giemaeatnama, Tervola, Badje-Durdnosa, Simo, Eanodaga, Anára, Giemajávrri, Gihttela, Kolari, Muoná, Pelkosenniemi, Pello, Posio, Roavenjárgga, Ranua, Salla, Suovvaguoikka, Soađegili ja Ohcejoga ássiid dahje olbmuid, geat guovllus orodit.
Áigáiboahtindoarjjaáššiid ferte dikšut Kelas ja dievasmahtti ja eastadeaddji áigáiboahtindoarjaga oasil iežas gieldda doaibmabáikkis.