Ohcejoga gieldda koronarávvagiidda nuppástusat – máskaávžžuhusat geahppánit, gáiddusbargoávžžuhus nohká ja sámelogahat máhccá lagašoahpahussii
2.2.2022
Ohcejogas leat mearridan geahpedit ávžžuhusaid, maid leat árat addán koronavirusepidemiija dihtii. Gieldda koronajoavku mearridii čoahkkimisttis gaskavahku 2.2. dáid nuppástusain:
- Gieldda gáiddusbargoávžžuhus nohká gaskavahku 2.2.
- Ohcejohnjálmmi vuolleskuvlla oahppiid máskaávžžuhus nohká bearjadaga 4.2.
- Skuvllaid bargoveaga ja badjeskuvllaid ja logahaga oahppiid máskaávžžuhus bissu fámus doaisttážii. Ávžžuhus geavahit beaktilot FFP2-máskka goittotge nohká bearjadaga 4.2.
- Sámelogahat máhccá lagašoahpahussii boahtte vuossárgga 7.2. Dalle maiddái logahaga oahppiid guoskan ávžžuhus joavkodoaimmaid garvimis astoáiggis nohká.
- Dihto oahppi- ja bargijoavkkuid ruoktotestenávžžuhus joatkašuvvá árat addojuvvon rávvagiid mielde bearjadaga 11.2. rádjai.
Lappi buohccedikšunbiirre koronakoordinerenjoavkku ávžžuhusa mielde maiddái Ohcejoga gielddas luohpat njoammuvára vuollái gártan olbmuid čielggadeamis, kontakteremis ja karantenii bidjamis. Koronapositiiva olbmuid kontakteren ja sin sirren joatkašuvvá ain. Maiddái koronatestema lea ulbmil joatkit ain aktiivvalaččat.
Jos dus leat makkárnu koronavirusinfekšuvdnii gullevaš dávdamearkkat, báze eaktodáhtolaš karantenii ja fina koronavirusteasttas, tel. 040 682 2348. Maiddái ruoktoteasttaid gánneha dahkat. Jos ruoktoteasta rievdá positiivan, leage oktavuođas dearvvasvuođaguovddážii, tel. 040 682 2348. Jos leat duođai buozus ja ruoktoteasta čájeha negatiiva bohtosa, fina maiddái dearvvasvuođafuolahusa teasttas. Jos oaččot positiiva teastabohtosa, báze erremii ja almmut áššis daidda, geaiguin leat leamašan lagaškontávttas. Lappi buohccedikšunbiirre rávvaga dákkár dillái gávnnat dáppe (suomagillii).
Oainnát Ohcejoga gieldda buot dálá rávvagiid, ávžžuhusaid ja ráddjehusaid ovtta sajis dáppe. Eambbo dieđuid Ohcejoga koronadilis, testemis ja boahkuhemiin gávnnat gieldda koronasiiddus.
2.2.2022
Ohcejoga gieldda koronajoavku
Njoammudávddain vástideaddji doavttir Sanni Rannikko
Lassedieđut:
Sanni Rannikko, njoammudávddain vástideaddji doavttir
040 181 0284
sanni.rannikko@utsjoki.fi