Ohcejoga ođđa gielddahoavdan Päivi Kontio
29.11.2023
Päivi Kontio lea Ohcejoga ođđa gielddahoavda. Govva: Minna Saastamoinen / Studio Borga
Ohcejoga ođđa gielddahoavdan lea gaskavahku 29.11. válljejuvvon Päivi Kontio.
Váldostivra válljii Kontio virgái jienaiguin 12–3. Ohcci Sami Jalonen oaččui gielddahoavdda válggas golbma jiena.
Ohcejohkalaš Päivi Kontio lea hálddahusdiehtagiid magisttar ja bargá dán dilis Ohcejoga gieldda buresveadjinhoavdan. Son finadii čoahkkimis dalán válljema maŋŋá giitimin váldostivrra áirasiid luohttámušas.
– Dalle go mu válljejedje buresveadjinhoavdan, lohpidin viggat bargat buot vuoi lean dan luohttámuša árvosaš. Seamma lohpádusa attán dás didjiide. Dieđán, ahte ii oktage mis sáhte okto nuppástuhttit dámppa johtima, dasa dárbbašuvvo buohkaid veahkki ja ovttasbargu. Dan guvlui dál mannat ja dan vuođul bargat ovttas dán barggu, Kontio dajai.
Ohcejoga gielddahoavdda virgái ledje evttohassan buohkanassii 32 ohcci ja miehtama virgái addán Kontio. Virgái jearahalle guhtta olbmo. Sáhtát lohkat eambbo gielddahoavdda válljenproseassa ovdáneamis árat dieđáhusas.
Ohcejoga gielddahoavdda virgi šattai ohcanláhkai, go gielddahoavdan doaibman Taina Pieski sirdásii borgemánus Sámemusea Siidda museahoavdan.
ČOAHKKINBEAVDEGIRJI LOHKANLÁHKAI
Váldostivrra čoahkkima olles beavdegirjji sáhttá lohkat dárkkisteami maŋŋá min neahttasiiddus.
ČOAHKKIN GEAHČČANLÁHKAI
Váldostivrra čoahkkimat streamejuvvojit ja daid sáhttá geahččat sihke njuolggosáttan ja maŋŋelgihtii báddin Ohcejoga gieldda Youtube-kanálas. Sihke álgoálgosaš ja tulkojuvvon čoahkkinbáttit almmustahttojit kanálas editerema maŋŋá.