Lähe sieki liikkeelle -dáhpáhus boahtá Ohcejohkii maŋŋebárgga 7.5.2024 dmu 15:00-18:00
23.4.2024
Lähe sieki liikkeelle (ovddeš namma SuomiMies seikkailee) lea jagis 2007 álggahuvvon riikkaviidosaš doaibmanjurdda, man vuosttas ulbmilin lea arvvosmahttit ja movttiidahttit eallinvuohkái, mii lea dearvvaslaš ja masa gullá lihkadeapmi. Lappis dán doaibmanjurdaga leat ollašuhttán aktiivvalaččat jagis 2013. Dál dat vuollegis šielmmá dearvvasvuođalihkadeami dáhpáhus boahtá Ohcejohkii!
Dáhpáhus lágiduvvo maŋŋebárgga 7.5.2024 dmu 15:00-18:00 asttuáiggeguovddážis, Ohcejogageaidnu 48.
Lähe sieki liikkeelle -dáhpáhusas testejuvvojit nuvttá, almmá ahte dárbbaša bivastuvvat ja šieđđaluvvat: gorutčoahkku, čárvunfápmu ja sávrivuohta. Dáhpáhusain arvvosmahttit giddet fuomášumi iežas árgii ja erenoamážit barggus ja asttuáigge veadjimii. Dutkamušaid mielde buorre fysalaš veadju veahkeha ceavzit baicce barggu fysalaš maiddái psyhkalaš losádusas. Hedjonan veadju fas – erenoamážit sávrivuohta – lea oktavuođas vásihuvvon nuonddahallama lassáneapmái. Dearvvasvuođa ja bargonávcca doalaheapmái eai dárbbašuvvo nu imašlaš valástallandagut. Jo jeavddalaš lihkadeapmi ja beaivválaš árgaaktiivvalašvuohta reahkkájit doallat bargonávcca ja veaju dakkár dásis, ahte fámut reahkkájit nu bargguin go asttuáiggege.
Mihtidemiide ii dárbbaš ráhkkanit. Boađe báikki ala dakkárin go leat! Mihtideamit bistet sullii 15 minuhta / olmmoš, muhto báikki ala ii goit gánnet boahtit hoahpuin, dasgo teastačuoggáide sáhtát gártat vuordit vuoru. Mihtidemiin ii dárbbaš bivastuvvat iige šieđđaluvvat, nu ahte báikki ala sáhtát boahtit dábálaš biktasiiguin. Gorutčoahku mihtideapmi dahkko báljesjulggiid, nu ahte juolgái gánneha bidjat suohkuid, maid lea álki nuolastit juolggis.
Mihtidemiid maŋŋá juohkehaš oassálasti oažžu mihtidanbohtosiin persovnnalaš čoahkkáigeassoraportta, masa sus lea vejolaš oažžut máhcahaga.
Mielde dáhpáhusas leat maid Lapin Muistiyhdistys ry ja Lapin Sydänpiiri ry. Lapin Muistiyhdistys muitala dehalaš vuoiŋŋašdearvvasvuođa áššiin ja Lapin Sydänpiiri addá dieđu ja rávve váibmosuotnadearvvasvuođa áššiin ja váibmui dearvvaslaš eallinvugiin. Lapin Sydänpiiri čuoggás lea maiddái vejolašvuohta mihtidahttit varradeattu.
Dáhpáhusa ordneba guvllolaš lihkadansearvi Lapin Liikunta ry ja Ohcejoga gielda.
Dáhpáhus lea nuvttá – buresboahtin fárrui!
Lassedieđut:
Lapin Liikunta ry
Dearvvasvuođalihkadeami ovddideaddji Riina Jänkälä
tel. 040 839 6542, riina.jankala@lapinliikunta.fi