Ohcejohnjálmmi skuvlla ja Sámelogahaga rektora virgi
12.2.2024
Ohcejohka lea Suoma ja Eurohpá uniovnna davimus, sullii 1200 ássi gielda, mii beaggá ebmos luonddus ja ealli sámekultuvrras. Gieldda golmma giliguovddážis leat ođđa máŋggadoaimmadálut. Daid oktavuođas leat skuvllat, ja Ohcejogas lea máŋggadoaimmadálus maiddái geasuheaddji sámelogahat.
Ohcejohnjálmmi skuvla lea oktilaš vuođđoskuvla (0-9 lk.), mas leat sullii 50 oahppi ja logahagas sullii 30 studeantta. Oahpahus addojuvvo guovtti gillii, davvisámegillii ja suomagillii.
Oahpahusas deattuhuvvo vejolašvuohta bajásšaddat guovttegielat ollesolmmožin. Oahppoplánain deattuhuvvo riikkaviidosaš joksanmeriid lassin kulturduogáš ja luondu Suoma áidna gielddas, mas sápmelaččat leat eanetlohkun. Lassin figgat váldit vuhtii gieldda sajáiduvvama Norgga rádjegieldan.
Barggu ceavzilis dikšun eaktuda oahpahusdoaimma ja -hálddahusa nana dovdama, nana pedagogalaš máhtu ja movtta, bargiid jođiheami dáidduid ja máŋggagielat ja -kultuvrralaš bargo- ja oahppanbirrasa dovdama.
Rektora gelbbolašvuođaeavttuid mearrida ásahus (986/1998) oahpahusdoaimma bargiid gelbbolašvuođagáibádusain. Rektora virgái lea gelbbolaš olmmoš, geas lea bajit allaskuvladutkkus, áššáigullevaš skuvlenhámi oahpaheaddji gelbbolašvuohta, doarvái guhkes bargohárjánupmi oahpaheaddji bargguin ja oahpahushálddahusa dutkkus oahpahusráđđehusa dohkkehan vuođuštusaid mielde, universitehta 15 oahppovahku (dahje 25 oahppočuoggá) oahpahushálddahusa oahput dahje eará láhkai háhkkojuvvon oahpahushálddahusa dovdan. Skuvlla oahpahusgielat leat davvisámegiella ja suomagiella, ja virggis galgá hálddašit guktuid gielaid. Mii váldit vuhtii maid ohcciid, geain ii leat sámegiela máhttu, ja dalle virgi devdojuvvo mearreáigái.
Virgái válljejuvvon olmmoš galgá čájehit dohkkehuvvon doaktárduođaštusa, ovdal go su válljen nannejuvvo. Virgegaskavuhtii válljejuvvon olmmoš galgá doaimmahit alcces guoski rihkusregisttarváldosa, mii čuovvu mánáiguin bargi rihkusduogáža čielggadeamis addon lága (504/2002).
Bálká ja oahpahusgeatnegasvuohta OVTES mielde.
Ohcejoga gielda máksá bargiidasas sámegiela máhtus giellalasi: njálmmálaš máhtus 125 €/mb ja čálalaš máhtus 150 €/mb. Virgái heivehuvvo guđa mánu geahččalanáigi.
Bivdit sáddet ohcamušaid oktan čuvvosiiguin maŋimustá 1.3.2024 dii. 15.00 https://www.kuntarekry.fi bokte.
Jos ohcamuša ii leat vejolaš sáddet elektrovnnalaččat Kuntarekry bokte, de ohcamuša sáhttá sáddet maid čujuhussii: Ohcejoga gielda, Čuvgehusdoaimmahat, PL 41, 99981 Ohcejohka. Čále bargočoavdaga nummira konfaluhttii. Eat máhcat ohcamušáššegirjjiid.
Lassedieđuid addá:
Lassedieđuid barggu birra addá vuosttažin veahkkerektor Laura Arola vuossárggaid ja gaskavahkuid dii. 9-11 ja bearjadagaid 12-16, tel 040 525 8049.
Muđui dárbbu mielde gielddahoavda Päivi Kontio, tel 040 744 7630.