Ohcejoga gieldda ođđa buresveadjinhoavda álggaha barggus 1.8.
4.6.2024
Pirjo Seurujärvi álggaha Ohcejoga gieldda buresveadjinhoavdan borgemánu álggus. Son lea bargan ovdal lagabui 30 jagi Meahciráđđehusas iešguđetge jođihan- ja hoavdabargguin. Pirjo Seurujärvi nana beallin árvvoštallojuvvojedje namalassii nana bargohárjánupmi jođihanbargguin ja guovllu dovdan. Pirjo lea ássan Ohcejogas juo moaddelogi jagi.
Mannan čavčča gielddahoavdan válljejuvvon Päivi Kontio divššui virggi ovdal. Son lea cealkán iežas eret buresveadjinhoavdda virggis 23.7. rájes. – Lea duođai fiinnis, ahte mii fidnet lasi bargiid gieldda njunušvirggiide, illuda Päivi Kontio. – Doaibmasuorgehoavddat fuolahit iežaset surggiid jođiheamis, ekonomiijas ja bargihálddahusas. Pirjo álggahettiin gielddas, fidne buresveadjindoaibmasuorgi iežas njunnošii hui movttáskan bargi.
Seamma áigge gielddas álggahit earáge ođđa bargit: Satu Labigne Ohcejohnjálmmi skuvlla ja sámelogahaga rektorin ja Laura Heikurainen fas árrabajásgeassima kanslistan.
Ohcejoga gielda sávvá ođđa bargiide liekkus buresboahtima.