Buresboahtin guollebivdui Detnui! Jogas oažžu bivdit eará guliid, muhto ii Deanu luosa.
3.7.2024
Deanu váldooalis oažžu bivdit Atlántta dahjege Deanu luosa ráfáiduhttimis fuolatkeahttá. Jogas oažžu bivdit soavvila, guvžžá, soavvila ja buggeluosa.
Dáid eará šlájaid bivdimii lea ođđa guolástannjuolggadusa mielde turismaguollebivdolohpi. Lobit leat oktiibuot 12 000 ja dat leat juhkkojuvvon beallái Supmii ja Norgii. Ollesolbmo lohpi máksá 20 € ja mánáid 10 € jándora nammii. Lobiid fidne Deanu Guolledoalloguovllu neahttagávppis (tenonkalaluvat.fi) ja lohpevuovdinbáikkiin.
Lassedieđuid Deanu váldooali guollebivddu ja lobiid birra gávnnat Deanu Guolledoalloguovllu siidduin ja báikegotti olggobealolbmuid guollebivdoinfos.
Dieđuid Deanuleagi oalgečázádagaid ja meahcceguovlluid ođasmahtton guollebivddu birra gávnnat Meahciráđđehusa Eräluvat.fi siidduin. Meahcceguovlluid guollebivdolobiid Báišduottar 1301 ja Gálddoaivi 1302 fidne Meahciráđđehusa neahttagávppis.
Go vuolgá guollebivdui, galgá buot 18-69-jahkásaččain leat máksojuvvon stáhta guliiddikšunmáksu!
Dievas bálvalusa guolástanrávvagiid dahje dušše rávvagiid mo beassat guollebivdobáikkiide gánniha jearrat báikkálaš idjadanbáikkiid fálliin. Bálvalusfálliid gávnnat Ohcejoga gieldda turismasiiddus.