Gielddaráđđehus čoahkkana duorastaga 12.1. jagi vuosttas čoahkkimii
9.1.2023
Ohcejoga gielddaráđđehus 2021–2023: várreságadoalli Vesa Länsman (vas.), ságadoalli Väinö Guttorm ja lahtut Arto Pohjanrinne, Laura Niittyvuopio-Valle, Marjatta Kordelin ja Anni Ahlakorpi. Govas váilu gielddaráđđehusa lahttu Aslak Holmberg. Govva: Studio Borga
Ohcejoga gielddaráđđehus čoahkkana duorastaga 12.1.2023.
Gielddaráđđehus galgá earret eará addit hálddahusgottiide bušeahta ollašuhttinrávvaga jahkái 2023 ja nannet gielddaráđđehusa vuollásaš doaimmaid mearreruhtajuogu. Lassin gielddaráđđehus addá váldostivrii evttohusas ođđa eallinfápmo- ja teknihkalaš lávdegotti lahtuid nammadeamis. Váldostivra ovttastahtii gieldda teknihkalaš ja eallinfámu lávdegottiid hálddahusnjuolggadusa beaivádeami oktavuođas čoahkkimisttis 15.12.2022.
Gielddaráđđehus gieđahallá maiddái čuvgehushoavda-rektor Virpi Veskoniemi eretcealkinalmmuhusa virggistis 1.4.2023 rájes ja mearrida virgesadjásašvuođa dikšumis.
OAHPÁSMUVA EVTTOHUSLISTUI
Sáhtát oahpásmuvvat čoahkkima olles evttohuslistui dákko. Čoahkkinbeavdegirji almmustahtto dárkkisteami maŋŋá neahttasiiddusteamet.