Lappi nuppástuvvi dálkkádagas -webinárat álget čakčat, buresboahtin!
14.6.2024
Dieđátgo mo dálkkádatnuppástus váikkuha Lappis dál ja boahttevuođas? Mat leat dálkkádatnuppástusa kumulatiivvalaš váikkuhusat boazodollui? Naba mo turismafitnodat sáhttá hihtudit dálkkádatnuppástusa dahje mii oktavuođaid lea dálkkádatnuppástusas ja buresveadjimis? Earret eará dáidda gažaldagaide ohcat vástádusaid webináraráiddus, mii álgá čakčat 2024.
Webináraráiddu mihttun lea lasihit dieđu dálkkádatnuppástusa ja dasa vuogáiduvvama birra. Ráidu deattuha erenomážit Lappi geahččanguovllu. Ráiddu ollašuhttet Lappi lihttu, Lappi EJB-guovddáš ja Suoma davvibađaeatnama Leader.
Buohkaide rabas webináraide ii dárbbaš almmuhit iežas, muhto sáhtát juo dál vurket dilálašvuođaid áigemuttuid iežat kaleandarii. Liŋkkas don gávnnat dilálašvuođaid áigemuttuid ja lassin Teams-liŋkkaid, maid bokte beasat oassálastit. Lappi nuppástuvvi dálkkádagas -webinárat álget čakčat, buresboahtin! – Lappi lihttu.
Webináraráiddu ollašuhttet MountResilience, ILIMA, NBS4LOCAL ja Lappi dálkkádat- ja energiijastrategiija -prošeakta ovttas. Ohcejoga gielda lea mielde MountResilience-prošeavttas. Loga eanet prošeavtta birra dáppe: https://www.utsjoki.fi/se/mountresilience-projeakta-1-9-2023-29-2-2028/