Utsjoen Lumo – Ohcejohka šearrá -teemaviikko tuo Utsjoelle heinäkuussa tapahtumia ja tempauksia kaikenikäisille! 1

 

Ohcejohkii boahtá dán gease vuosttas háve olles temávahkku dievva máŋggalágan doaimmaid, oaidnámušaid ja vásáhusaid!

Utsjoen Lumo – Ohcejohka šearrá -temávahkku ordnejuvvo Ohcejogas suoidnemánu nuppi vahkus 5.–11.7.2021. Vuordimis leat dáhpáhusat ja suohtastallamat buotahkásaččaide, bohtet dal don guhkkelabbos dahje iežamet gielddas!

Temávahkku doallá sisttis earet eará konsearttaid, bargobájiid, čájáhusaid, ealligovva- ja teáhterčájáhusaid, oahpistuvvon vázzintuvrraid ja gávppašemiid. Vahku váldodáhpáhus lea lávvardaga 10.7. buohkaide rabas ja nuvttá sámemusihkkakonsearta Ohcejoga Gieddemielli alde. Konsearttas loaiddastit Ohcejoga nuorra rap-čeahpit Yungmiqu ja Jezebro, mystihkalaš luđiid, mielde rohttejeaddji ritmmaid ja improvisašuvnna musihkasteaskka ovttastaddi Vildá ja bealiváldi ráppa ovdanbukti Ailu Valle ruonáeatnanlaš DJ Uyarakqin. Gieddemielli alde lea lávvardaga máŋggalágan earáge dahkamuš ja márkanvuoigŋa.

Vahku dárkilut prográmma oktan áigetávvaliin almmuhuvvo geassemánu áigge. Várre goittotge vahku iežat kaleandarii jo dál!

Temávahku ordne Ohcejoga gielda. Oktasašbargoguoibmin doibmejit earet eará Deanuleagis sámástit -projeakta (Interreg Davvi), Sámi Siida rs, Sámedikki nuoraidráđđi, Lappi lihttu ja báikkálaš fitnodagat ja searvvit dáhpáhusaid ordnejeaddjin.

Temávahku prográmmaide sáhttet šaddat rievdadusat dahje ráddjehusat muhttašuvvi koronadili geažil. Mii almmuhat dilis sihke dán siiddus ja temávahku Facebook-siiddus, čuovo maiddái dan! Temávahku hashtagat leat #utsjoenlumo #ohcejohkašearrá, geavat daid friija maiddái iežat kanálain!

Oaidnalat suoidnemánus!


Ordne iežat dáhpáhusa temávahkkui!

Fitnodatdoalli, searvi dahje eará dáhpáhusordnejeaddji! Sáhtát almmuhit Utsjoen Lumo – Ohcejohka šearrá -temávahkkui maiddái iežat dáhpáhuvvamiid!

Dáhpáhusaid galgá ordnet 5.–11.7.2021 áigge Ohcejoga gieldda siste. Mii dieđihat dáhpáhusain temávahku virggálaš kanálain.

Deavdde vuolábeale almmuhusskovi 13.6. rádjai. Skovi buot kássat leat bákkolaččat. Jos dus leat gažaldagat dahje váttisvuođat almmuhemiin, váldde oktavuođa asttuáiggečálli Kaisa Tapiola-Länsmanii, tel. 0400 319 852, kaisa.tapiola-lansman@utsjoki.fi.


Eará ođđasat