Ohcejohkii boahtá dán gease vuosttas háve olles temávahkku dievva máŋggalágan doaimmaid, oaidnámušaid ja vásáhusaid!
Utsjoen Lumo – Ohcejohka šearrá -dáhpáhusvahkku ordnejuvvo Ohcejogas suoidnemánu nuppi vahkus 5.–11.7.2021. Vuordimis leat dáhpáhusat ja suohtastallamat buotahkásaččaide, bohtet dal don guhkkelabbos dahje iežamet gielddas! Vahkku sisttisdoallá earret eará konsearttaid, bargobájiid, čájáhusaid, ealligovva- ja teáhterčájáhusaid, oahpistuvvon vázzintuvrraid ja gávppašemiid.
Vahku váldodáhpáhus lea lávvardaga 10.7., go Ohcejoga Gieddemielli alde lágiduvvo olles beaivvi bisti Utsjoen Lumo lavalla – Ohcejohka šearrá lávddis -dáhpáhus!
Oahpásmuva oppa vahku prográmmii vulobealde (mii doalahat vuoigatvuođaid nuppástusaide). Vahku dáhpáhusat leat buohkaide rabas ja nuvttá, earet filbmačájáhusat.
Ohcejohka Šearrá lávddis (10.7.2021) koronadorvvolašvuođarávvagat:
Boađe dáhpáhussii dušše dearvvasin.
Doala buorre fuola giehtahygieniijas ja mii ávžžuhit geavahit vuoiŋŋahatsuoji. Suojit ja giehtadesi lea fidnemis dáhpáhusa sisamanahagas.
Muitte doallat álo vejolašvuođaid mielde doarvái gaskka earáide.
Gosadettiin dahje gasttidettiin suddje njálmmi gaigŋirin dahje geavat njunneliinni.
Ále boađe dáhpáhussii, jos leat fitnan korona beales riskaguovllus maŋimus guokte vahku áigge.
vahku prográmma
Vuossárga 5.7.2021
Dmu 15.00 Tenon soutajat – Deanu suhkkit -govvačájáhus
Tenon Soutajat – Deanu suhkkit -govvačájáhus vuođđuduvvá jagis 2003 almmustahtton luntakaleandarii. Čájáhus lea gudnečájáhus ja bealiváldin dál measta juo jávkan árbevirrui ja ámmátsuorgái, Deanu suhkkiide.
Govvejeaddji Minna Saastamoinen govvii 13 luossabivdi Deatnogáttis, Báršši ja Vuollegeavgŋá gaskkas. Váldooasis ledje dábálaš albmát, ohcejohkalaš luossabivdit ja Deanu suhkkit. 18 jagi dassái albmát ledje 25–75-jahkásaččat, jagis 2021 guovttis sis leat juo váinnit. Kaleandar šattai duohtan ovttas doaimmaheaddji Niilo Aikioin.
Čájáhus rahppojuvvo 5.7.2021 dmu 15 gilidállu Giissás ja dat lea oaidninláhkai dalle, go gilidállu lea rabas, árgan dmu 8–17 oppa geasi.
Maŋŋebárga 6.7.2021
Dmu 14.00 Oahpistuvvon vázzintuvra: Ulrika kultur- ja jaskkodanbálggis 2,3 km, ofelažžan Vuokko Hirvonen ja arkeologa Eeva-Kristiina Harlin (čoahkkaneapmi boares sáhkáha luhtte)
Ohcejoga girkostohposearvi lágida vahku áigge oahpistuvvon vázzintuvrraid Ohcejoga girkoduovdagis Máttajávregáttis. Ofelažžan leat ohcejohkalaččat Vuokko Hirvonen, Aulis Nordberg ja Birit Vuolab sihke arkeologa Eeva-Kristiina Harlin, geat dovdet dán riikkaviidosaččat mearkkašahtti sámi kulturbirrasa ja dan huksen- ja kulturhistorjjá.
Gaskavahkku 7.7.2021
Dmu 15.00 Oahpistuvvon vázzintuvra: Girkostohpogietti ja páhppala niittu šattut, ofelažžan Birit Vuolab
Ohcejoga girkostohposearvi lágida vahku áigge oahpistuvvon vázzintuvrraid Ohcejoga girkoduovdagis Máttajávregáttis. Ofelažžan leat ohcejohkalaččat Vuokko Hirvonen, Aulis Nordberg ja Birit Vuolab sihke arkeologa Eeva-Kristiina Harlin, geat dovdet dán riikkaviidosaččat mearkkašahtti sámi kulturbirrasa ja dan huksen- ja kulturhistorjjá.
Dmu 17.00 Oahpistuvvon vázzintuvra: Ohcejoga girkostobuid historjá, ofelažžan Aulis Nordberg
Ohcejoga girkostohposearvi lágida vahku áigge oahpistuvvon vázzintuvrraid Ohcejoga girkoduovdagis Máttajávregáttis. Ofelažžan leat ohcejohkalaččat Vuokko Hirvonen, Aulis Nordberg ja Birit Vuolab sihke arkeologa Eeva-Kristiina Harlin, geat dovdet dán riikkaviidosaččat mearkkašahtti sámi kulturbirrasa ja dan huksen- ja kulturhistorjjá.
Duorastat 8.7.2021
Dmu 17.00 Oahpistuvvon vázzintuvra: Ohcejoga girkostobuid historjá, ofelažžan Vuokko Hirvonen
Ohcejoga girkostohposearvi lágida vahku áigge oahpistuvvon vázzintuvrraid Ohcejoga girkoduovdagis Máttajávregáttis. Ofelažžan leat ohcejohkalaččat Vuokko Hirvonen, Aulis Nordberg ja Birit Vuolab sihke arkeologa Eeva-Kristiina Harlin, geat dovdet dán riikkaviidosaččat mearkkašahtti sámi kulturbirrasa ja dan huksen- ja kulturhistorjjá.
Bearjadat 9.7.2021
Dmu 17.00 Oahpistuvvon vázzintuvra: Ulrika kultur- ja jaskkodanbálggis 2,3 km, ofelažžan Aulis Nordberg (čoahkkaneapmi boares sáhkáha luhtte)
Ohcejoga girkostohposearvi lágida vahku áigge oahpistuvvon vázzintuvrraid Ohcejoga girkoduovdagis Máttajávregáttis. Ofelažžan leat ohcejohkalaččat Vuokko Hirvonen, Aulis Nordberg ja Birit Vuolab sihke arkeologa Eeva-Kristiina Harlin, geat dovdet dán riikkaviidosaččat mearkkašahtti sámi kulturbirrasa ja dan huksen- ja kulturhistorjjá.
Dmu 17.00–21.00 Sámemusihka bargobájit nuoraide
Sámemusihka bargobájit leat oaivvilduvvon 13–18-jahkásaš nuoraide. Jođiheaddjin leat menestuvvan sámemusihkkárat Vildá sihke Ailu Valle ruonáeatnanlaš Aqqalu Berthelseniin dahjege DJ Uyarakqiin.
Bargobájit ordnejuvvojit sierra sihke suomagillii ja davvisámegillii. Bargobájit dollojuvvojit Ohcejohnjálmmi ođđa skuvllas čujuhusas Ohcejohgeaidnu 44. Gáregasnjárgga ja Njuorggáma nuoraide ordnejuvvo dárbbu mielde vuojiheapmi Ohcejohkii ja ruovttoluotta. Maiddái guovllus gallestalli dahje eará báikegottiin ássi nuorain lea vejolašvuohta oassálastit bargobájiide.
Dáhpáhusa lágidit Ohcejoga gieldda asttuáiggedoaibma, AVI ruhtadan Kohtaamisilla hyvinvointia -koulunuorisotyö Utsjoelle, Nuori Kulttuuri Roots sihke Deanuleagis sámástit -projeakta (Interreg Davvi).
Dmu 18.00 Oahpistuvvon kulturtuvra Ohcejoga páhppalis ja šilljobirrasis
Tuvrra ordne Ohcejoga searvegoddi. Tuvrra maŋŋá fállojuvvo eahketkáffe.
Dmu 21.00 & 23.00 Gaskaija beaivváža ealligovat
Suoma davimus ealligovvateáhteris, Ohcejoga Davvenásttis, lea dál vejolašvuohta vásihit Gaskaija beaivváža filmmaid. Filmmat almmuhuvvojit lagabus dáhpáhusa, bileahtat 8 € čujuhusas www.davvenasti.fi.
Klo 21.00–23.00 Trubadura Henna K. Pub Rastigaisas
Trubadura Henna K. bidjá julggiide fártta Pub Rastigaisas bearjadateahkeda illun. Henna K. lea čeahpes guoimmuheaddji. Son veršunere dovddus bihtáid buriin leavttuin.
Lávvardat 10.7.2021 dmu 12.00–18.00
Utsjoen Lumo lavalla – Ohcejohka šearrá lávddis, Gieddemielli
Dáhpáhusvahku alimus boddu lea lávvardaga 10.7., go dalle lea olles Utsjoen Lumo lavalla – Ohcejohka šearrá lávddis -dáhpáhusbeaivi Ohcejoga Gieddemiellis! Dáhpáhusbeaivi doallá sisttis earet eará sámemusihka konsearttaid, ságastallamiid, girječálligalledemiid sihke teáhterčájáhusaid. Báikki alde lea vejolaš oastit sámedujiid (Sámi Duodji ry, Haraldin paja ja Siida Shop) sihke biepmu ja juhkamuša (Utsjoen Eränkävijät ja Annukan Grilli).
Dmu 12.00–13.00 Atlántta luossa -panelaságastallan Deanu iešmearrideami birra
Ságastallamis suokkardallojuvvojit Deanuleagi álbmoga vejolašvuođat ja geatnegasvuohta hálddašit Deanu ja luossabivddu ovttasráđiid. Fárus leat Anne Nuorgam, Esko Aikio, Rune Aslaksen, moderáhtorin Áslat Holmberg ja Beaska Niillas. Panelaságastallama lágida Ellos Deatnu.
Dmu 13.00–14.00 Konsearta Yungmiqu ja Jezebro
Talentis oahpes Yungmiqu ovttas rap-vieljainis Jezebroin ovdanbuktiba sámegielat rap-musihka. Vuordimis leat nuorra olbmuid searat ja bealiváldi lyrihkka.
Dmu 14.00–15.00 Girječálligalledeapmi, Niillas Holmberg
Multitaleanta, ođđa Áillohažžange gohčoduvvon girječálli, musihkkár ja neavttár Niillas Holmberg ságastallá iežas vuosttas romána “Halla Helle” birra girjerádjovirgeolbmuin Iivari Koutosiin.
Dmu 15.00–16.00 Konsearta Ailu Valle ja DJ Uyarakq
Ailu Valle lea rap-artista, guhte deattuha teavsttainis eamiálbmogiid geainnu ja eallima ipmárdusa mearkkašumi. Son loaiddasta ovttas ruonáeatnanlaš DJ Uyaraqiin, guhte orru Anáris.
Dmu 16.00–17.00 Teatteri Tie, Tuhkamo ja eará suomaálbmoga máidnasat ja muitalusat
Teatteri Tie prográmmain geassit 2021 leat dološ ruovttueatnama máidnasat ja muitalusat, gáldun lea vuosttas sajis girji ”Suomen kansan satuja ja tarinoita” (SKS, 1852-1866). Dát čuđiid jagiid boares máinnasdiamánttat leat oassi min oktasaš máinnasárbevieru ja daid sisttisdoallan riggodagat ánssášit juhkkojuvvot juohke sohkabulvii buot áiggiid. Čájáhus bistá oktan gaskabottuin sullii diimmu. Rolain Juhana Hurme, bagadallan Hannu Raatikainen. Ahkeávžžuhus badjel 5-jahkásaččaide.
Dmu 17.00–18.00 Konsearta Vildá
Dáhpáhusa loahpaha Hildá Länsmana ja Viivi-Maria Saarenkylä duo Vildá, mii ovttastahttá mystihkalaš luđiid, sveŋŋejeaddji ritmmaid sihke improvisašuvnna geasuheaddji vugiin. Vildá musihka áidnalunddot jietnamáilbmi lea ožžon váikkuhusaid nu otnábeaivve pop-musihkas go maid suopmelaš álbmotmusihkas.
Temávahku ordne Ohcejoga gielda. Oktasašbargoguoibmin doibmejit earet eará Deanuleagis sámástit -projeakta (Interreg Davvi), Sámi Siida rs, Sámedikki nuoraidráđđi, Lappi lihttu ja báikkálaš fitnodagat ja searvvit dáhpáhusaid ordnejeaddjin.
Vahku prográmmaide sáhttet šaddat rievdadusat dahje ráddjehusat muhttašuvvi koronadili geažil. Mii almmuhat dilis sihke dán siiddus ja temávahku Facebook-siiddus, čuovo maiddái dan! Temávahku hashtagat leat #utsjoenlumo #ohcejohkašearrá, geavat daid friija maiddái iežat kanálain!