Ohcejoga rádjerasttildanbáikkiin čuvvot AVI mearrádusaid – bákkolaš dearvvasvuođadárkkisteapmi guoská ain maiddái boahkohuvvon olbmuid
11.6.2021
Dearvvasvuođa- ja buresveadjinlágádus THL dieđihii 10.6. riikiiboahttiid ođđa testenrávvagiin ja -ávžžuhusain rájáid alde. THL beaiváduvvon rávvagiid mielde ovdamearkka dihte guokte boahkoheami ožžon mátkkošteaddjit eai dárbbašivčče dás ovddosguvlui fitnat koronateasttas riikiiboahtinstašuvnnas, jos sii leat ožžot maŋimuš boahkoheami unnimustá guokte vahku árat.
Guovlluhálddahusdoaimmahat lea goittotge dat eiseváldi, guhte dahká guovllu geatnegahtti mearrádusaid. Rádjetesten vuođđuduvvá Lappi guovlluhálddahusdoaimmahaga mearrádussii 27.5.2021, mas boahkohuvvon olbmuid maid galgá testet.
Lappi guovlluhálddahusdoaimmahat AVI árvvoštallá boahtte vahkus iežas mearrádusaid THL ođđa rávvagiid vuođul ja dárbbu mielde divvu iežas mearrádusa. Ohcejoga gieldda rádjerasttildanbáikkiin čuvvot dan rádjai AVI dálá mearrádusaid.
Loga lasi rájáid bákkolaš dearvvasvuođadárkkistemiin: