Bákkolaš dearvvasvuođadárkkisteamit Gáregasnjárgga, Ohcejoga ja Njuorggáma rájárasttildanbáikkiin 16.6.2021–31.7.2021

Beaiváduvvon 16.6.2021

Lappi guovlluhálddahusdoaimmahat lea 15.6. mearrádusainis mearridan buot riskariikkain Supmii Ohcejoga rájárasttildanbáikkiin boahtti olbmuid váldit oasi bákkolaš dearvvasvuođadárkkisteapmái áigodagas 16.6.2021–31.7.2021. Dearvvasvuođa dárkkistus oaivvilda geavatlaččat koronateastta.

Riskariikkas boahtti olbmuin oaivvilduvvojit dat, geat leat 14 jándora siste ovdal Supmii boahtima orron riikkas, man guovtti vahku koronanjoammunlohku lea stuorát go 25/100000. Norga lea dán dilis riskariika.

Mearrádus dearvvasvuođadárkkistemiin ii guoskka:

  • jagi 2005 ja dan maŋŋá riegádan mánáid ja nuoraid,
  • barggus leahkki gálvojohtolaga fievrridan- ja logistihkabargiid,
  • olbmuid, geain lea čájehit negatiiva boađus eanemustá 72 diimmu ovdal riikii boahtima váldojuvvon koronavirusteasttas,
  • olbmuid, geain lea čájehit luohtehahtti duođaštus koronaboahkuheamis (vuosttas boahkuhangeardi reahkká) ja maŋimuš boahkuheamis lea gollan unnimustá 14 jándora,
  • olbmuid, geain lea čájehit luohtehahtti duođaštus vuollái guhtta mánotbaji dassái buhccojuvvon covid-19-infekšuvnnas,
  • sápmelaččaid, geat rasttildit rájá sámeealáhusain dahje -kultuvrrain bargama geažil,
  • rádjebargiid ja rádjeservoša lahtuid rádjeservoša siste áššiid divššodettiin, jos sis lea čájehit vuollái čieža (7) jándora boares negatiiva koronateastaduođaštus. Jos olmmoš mátkkošta rádjeservoša olggobeallái (omd. Hámmerfestii, Čáhcesullui dahje eará guvlui Norggas rádjegielddaid olggobeallái), negatiiva teastaboađus lea fámus dušše 72 diimmu (ii čieža jándora).

Dušše ovtta boahkuheami ožžon olbmuid ávžžuhit goittotge fitnat koronateasttas áramustá 72 diimmu riikii boahtima maŋŋá. Guktii boahkuhuvvon riikiiboahttit, geaid maŋimuš boahkuhangearddis lea gollan badjel 14 jándora, eai dárbbaš koronateastta. Suomas addojuvvon koronaboahkuhemiid duođaštusat gávdnojit Omakanta-bálvalusas.

Jos riikii boahtti olmmoš orru Suomas badjel 72 diimmu, galgá son ohcalit nuppi testii golmma (3) jándora geažes vuoi son sáhttá oanedit eaktodáhtolaš karantena, mii muđui livččii 14 jándora. Dát ii guoskka rádjeservošii gulli olbmuid, geaid negatiiva koronateastaboađus lea fámus čieža (7) jándora.

Riikii boađedettiin galgá deavdit Lapland Entry -skovi. Dan sáhttá deavdit ovddalgihtii elektrovnnalaččat dahje rájás báberveršuvdnan.

Suoma ja Norgga gaskasaš riikkarájá rájárasttildanbáikkit leat rabas olmmošjohtolahkii beaivválaččat dmu 9–21.

Testenbáikkit ja daid rabasáiggit

  • Gáregasnjárga
    • Gáregasnjárgga tuollu, Norjantie 5, 99950 Gáregasnjárga
    • Testen beaivválaččat dmu 9–21
    • tel. 040 682 2348
  • Ohcejohka
    • Ohcejoga dearvvasvuođaguovddáš, Seitatie 1A, 99980 Ohcejohka (rájárasttildanbáikkis sullii 800 mehtera máttás Njelješgeainnu mielde Avvila guvlui)
    • Testen birra jándora: árggaid tel. 040 181 0285, eahkediid ja vahkuloahpaid tel. 040 181 0281
  • Njuorggán
    • Nuorgamintie 4701, 99990 Njuorggán (rádjegozáhusain seamma parkerensajis)
    • Testen beaivválaččat dmu 9–21
    • tel. 040 655 0250

Vai rájárasttildeapmi livččii buohkaide nu njuovžil go vejolaš, mii bivdit deavdit riikiiboahtinskovi, fuolahit dárbbašlaš dokumeanttaid ja fitnat koronateasttas jo ovdal riikii boahtima, jos dat lea vejolaš.

Lassedieđut:

 

Heidi Eriksen

Njoammudávddain vástideaddji doavtir

tel. 040 181 0284

 

Laura Elsinen

vástideaddji buohccedikšu

tel. 040 181 0280


Muita uutisia