THL lea rievdadan iežas ávžžuhusaid boahkohanortnega birra - eai váikkuhusat Ohcejogas

11.3.2021

Dearvvasvuođa- ja buresveadjinlágádus THL lea rievdadan iežas ávžžuhusaid:

AstraZeneca Covid-19 koronavirusboahkku heive maiddái badjel 70-jahkásaččaide. Dan dihte THL lea addán ođđa rávvaga boahkohanortnega birra. Dás ovddos boahkuid ožžot vuos badjel 70-jahkásaččat, ja sin gaskkas ovddemužžan dat, geain lea alimus ahki. Go buot badjel 70-jahkásaččat leat boahkohuvvon, de joatkašuvvet riskajoavkkuid boahkohusat vuollel 70-jahkásaččaid gaskkas. Liikká dat boahkohanáiggit, mat leat jo várrejuvvon vuollel 70-jahkásaš riskajoavkkuid olbmuide, leat ain fámus Lappi buohccedikšunbiirres. Dás ovddos ođđa áiggit juhkkojuvvojit badjel 70-jahkásaččaide ahkeortnegis, boarrásamosiidda ovddemužžan, ja das maŋŋá joatkašuvvet vuollel 70-jahkásaš riskajoavkkuid boahkohusat.

Ohcejoga gielddas leat vuollel 70-jahkásaš riskajoavkkuid olbmuide jo boahkohanáiggit addojuvvon, ja danin ávžžuhus ii rievdat boahkohanortnega Ohcejoga gielddas. Daid badjel 70-jahkásaččaiguin, geain lea vuorru oažžut boahku, váldojuvvo oktavuohta dasto go gielda vuos oažžu lasi boahkuid.


Muita uutisia