Buresboahtin Ohcejoga gieldda virtuála álbmotdilálašvuhtii 26.8. dbm 18–20!
Dilálašvuođas gieldalaččat besset gullat Ohcejoga dálá koronavirusdilis ja dan váikkuhusain gieldda doaimmaide ja bálvalusaide.
Ohcejohka ordne iežas gieldalaččaide virtuála álbmotdilálašvuođa koronavirusdilis. Dilálašvuohta ordnejuvvo gaskavahku 26.8. dbm 18–20 Microsoft Teams bokte.
Dilálašvuođas gieldda dálá koronavirusdilis ja dan váikkuhusain gieldda doaimmaide ja bálvalusaide muitalit gielddahoavda Vuokko Tieva-Niittyvuopio, jođiheaddji doavttir Heidi Eriksen ja gieldda iešguđet doaibmasurggiid ovddasteaddjit. Gieldalaččat sáhttet jearrat gažaldagaid gieldda ovddasteaddjiin. Dilálašvuohta lea sihke sáme- ja suomagillii.
Sáhtát searvat dilálašvuhtii mainna beare rusttegiin dán liŋkkas. Jos dus lea jo anus Teams-prográmma, gánneha geavahit dan. Dilálašvuhtii sáhttá searvat maiddái Teams-konttu haga, jos geavahat dábálaš dihtora jogo Microsoft Edge – dahje Google Chrome -neahttavuođuin.
Fuom! Teams-čoahkkimii čáhket dušše dihto veardde oassálastit, man dihte sávvat, ahte juohke dállodoallu searvvašii dilálašvuhtii dušše ovttain oktasaš oktavuođain.
Dilálašvuohta báddejuvvo ja dat lea oaidninláhkai gieldda kanálain guokte (2) vahku.