Infodilálašvuohta Ohcejohkii plánejuvvon olgoálšasále birra váldostivrasáles gaskavahkku 6.7.2022 dmu 18 - Boađe gullat lasi fitnu birra ja mo don sáhtát leat ollašuhttimin fitnu!
1.7.2022
Boađe gullat ja háleštit Ohcejoga olgoálšasále birra váldostivrasálii 6.7. dmu 18.00!
Ohcejoga gielddadálu váldostivrasáles ordnejuvvo gaskavahkku 6.7.2022 dmu 18 buohkaide rabas infodilálašvuohta Ohcejoga girkosiidii plánejuvvon olgoálšasále birra.
Boađe gullat lasi fitnu birra ja mo don sáhtát leat ollašuhttimin fitnu! Dilálašvuođas lea vejolaš almmuhit iežas eaktodáhtolažžan dahje sponsorin.
Sáhtášitgo don bargat eaktodáhtolažžan Olgoálšasále ollašuvvama ovdii?
Fitnu ollašuvvan lea gitta gielddaolbmuid eaktodáhtolaš barggus ee. olgoálšasálerusttegiid čohkkemis ja birrasa hervemis. Boađe infodilálašvuhtii mielde gullat eanet eaktodáhtolaš bargguid birra. Dán rádjai dušše gieldda nuoraidráđđi lea čatnasan ovddidit fitnu eaktodáhtolaš bargguin. Mii váldit almmuhemiid vuostá suoidnemánu áigge.
Hálidivččetgo ruhtadit fitnu?
Váldooasi fitnus lea ruhtadan Pohjoisimman Lapin Leader ry, muhto fidnu ollašuhttimii dárbbašuvvo vel priváhta sponsorruhtadeapmi oktiibuot 6 363,64 €. Hálidivččetgo don, du searvi dahje fitnodat veahkehit ollašuhttit fitnu? Olgoálšasále lea fitnu, man gieldda nuorat leat jienastan ja man bokte geahččalit buoridit nuoraid loaktima Ohcejoga guovllus. Olgoálšasále ruhtadeami bokte sáhtát doarjut nuoraid ja buot gielddaolbmuid astoáigge buđaldusaid gielddas ja seammás veahkehat buoridit Ohcejoga eallin- ja bisuhanfámu. Juohkehaš, guhte lea ruđalaččat dorjon fitnu, oažžu namas ja vejolaš logo olgoálšasále infotávvalii.
Lassedieđut
Janne Mustonen Siiri Uino
vd. astoáiggečálli fidnokoordináhtor
janne.mustonen@utsjoki.fi siiri.uino@utsjoki.fi
0400 319 852 040 544 2058