Buresboahtin Fitnodatforumii 17.11. Temán ekonomiijastivren!
4.11.2022
Dilálašvuohta lágiduvvo ovttas Pohjoinen johtamisen foorumi – projeavttain.
Čuovvovaš Fitnodatforum lágiduvvo duorastaga 17. skábmamánu Hotealla Ohcejogas (Hotelli Utsjoki), gos fállun lea beaivebiebmu. Dilálašvuođa jođiheaba eallinfápmohoavda Tanja Lepistö ja Pohjoinen johtamisen foorumi -projeavtta projeaktahoavda Markus Pellikka.
Dán háve fitnodatforumis čiekŋut ekonomiijastivrema temái. Beaivvi áigge sáhkavuoru doallá hárjánan fitnodateaiggát- ja fitnodatválbmejeaddji, ekonomiijahálddahusa ámmátolmmoš ja fitnodatdoaimma lektor Anne Liedes Lappi skuvlenguovddáš REDU:s. Álgoságas guorahallo ekonomiija dáfus mearkkašahtti dáhta beaktilis ávkinatnin ja ekonomiija stivren ekonomiija stáđisvuođa, gánnáheami ja máksinnávcca perspektiivvain. Dilálašvuođas oaččot bargoneavvuid dasa, makkár perspektiivvaid ekonomiija plánemis ja stivremis galgá váldit vuhtii. Guovddážis lea maid ekonomiija buorre plánen.
Buresboahtin fierpmáiduvvat ja buoridit iežat fitnodaga máhtu, gilvalannávcca ja jođiheami dilálašvuhtii, mii álgá beaivebiebmobuffeahtain dmu 12 (nuvttá). Dilálašvuohta bistá golbma diimmu, ja dilálašvuohta nohká sullii dmu 15.
Almmuheamit oktan máinnašumiiguin spesiálabiepmus du 10.11.2022 rádjai irma.kaarnes@utsjoki.fi.
Ohcejoga Fitnodatforum lea ođđa doaibmamálle, mii doarju fitnodateaiggádiid gaskasaš fierpmáiduvvama sihke fitnodateaiggádiid ja gieldda gaskasaš dialoga. Ulbmilin lea oktasaš ságastallama bokte oažžut fitnodatforummálle bálvalit guovllu fitnodateaiggádiid nu bures go vejolaš, oassin viidásut eallinfápmobálvalusaid oppalašvuođa. Fitnodatforum lágiduvvo jeavddalaččat 2-3 mánotbaji gaskkaid, ja guhtege Fitnodatforumis lea iežas temá. Vuosttas dilálašvuohta ordnejuvvui 1.9. gielddadálus temáin Oktasašbarggus lea fápmu. Čuovvovaš fitnodatforum lea ođđajagimánus 2023.
Lassediehtu:
Eallinfápmohoavda Tanja Lepistö
tel 0400 151 294
tanja.lepisto@utsjoki.fi